یەك ساڵ بەسەر واژۆکردنی فەرمانی هەرێمی بۆ دیاریکردنی ڕۆژی هەڵبژاردنی پەرلەمانی کوردستان لە لایەن نێچیرڤان بارزانی سەرۆکی هەرێمی کوردستاندا تێدەپەڕێت، کە لە فەرمانەکەدا ڕۆژی ١/١٠/٢٠٢٣ دیاریکرا بۆ بەڕێوەچوونی هەڵبژاردنی پەرلەمانی کوردستان.
بەڵام پاش ساڵێك لەو فەرمانە هیچ هەنگاوێك بۆ بەڕێوەچوونی هەڵبژاردنی پەرلەمانی کوردستان نەنراوە و ئاستەنگەکانی بەردەم هەڵبژاردن بەردەوام لە زیاد بووندان بە هۆی ناکۆکیەکانی نێوان یەکیەتی و پارتیەوە
ناکۆکیەکانی یەکیەتی و پارتی ڕێگری سەرەکین لە ئەنجامدانی هەڵبژاردن، هەربۆیە تا ئێستا نە کۆمسیۆنی باڵای هەڵبژاردنەکان کارا بوەتەوە و نە هیچ کۆبونەوەیەکی پەرلەمانیش سەبارەت بەپرسەکانی هەڵبژاردن و یاسایی هەڵبژاردن ئەنجامدراوە
لە ئێستادا نێچیرڤان بارزانی لە پەراوێزی سیاسەتی پارتی دیموکراتی کوردستاندایە، هەر بۆیە کاریگەری لەسەر چارەسەربوونی گرفتەکانی نێوان یەکیەتی نیشتمانی کوردستان و پارتی دیموکراتی کوردستان نیە و تا ئەو دوو هێزە سیاسیەش ڕێککەوتن لەسەر پرسەکان نەکەن هەڵبژاردن ئەنجام نادرێت، ئەمەش وادەکات کە سەرۆکی هەرێم دەستەوەستانبێت بەرامبەر پرسەکانی هەڵبژاردن و ئەو فەرمانانەش سەبارەت بەو پرسە واژۆیان دەکات، چونکە هێزە سیاسیەکان وەك پێویست بەدەم فەرمان و بانگەوازەکانی سەرۆکی هەرێمەوە نەچوون
ليست هناك تعليقات
إرسال تعليق