هەڵاوسان لە بەریتانیا لە مانگی پێنجی ئەمساڵدا بۆ 9.1% بەرزبووەتەوە، ئەوەش بەرزترین ئاستە لە ماوەی 40 ساڵی رابردوودا. بەشێک لە هاووڵاتییان بە ئەستەم توانای دابینکردنی پێداویستییەکانیان هەیە.
شووتی لە ئیسپانیاوە دەبرێنە کۆگاکانی بەریتانیا و لەوێشەوە بە بارهەڵگر بەسەر فرۆشگە و بازاڕەکاندا دابەشدەکرێن؛ ئەوەش لە کاتێکدایە، نرخی شووتی هاوشیوەی زۆربەی میوە و ماددە خۆراکییەکانی دیکە بەرزبووەتەوە.
ترێڤۆر شوڵتن، بەرپرس لە کۆمپانیای رۆدانتۆ دەڵێت، "بازرگانیی ئێمە هێندە قازانجی زۆری نییە کە توانای خۆڕاگریمان لە بەرامبەر بەرزیی نرخی سووتەمەنی و گواستنەوە هەبێت. 40 ساڵە سەرقاڵی ئەم کارەم، بەڵام لە ژیانمدا بەرزبوونەوەی لەم شێوەیەی نرخم نەبینیوە."
هاووڵاتییەکی بەریتانی دەڵێت، "قیستی ئۆتۆمبێل و شتەکانی دیکە هەمووی لەسەر شانمانە و ناچارین بە شێوازێکی دیکە مامەڵە بکەین، بۆئەوەی بتوانین لەم رەوشەدا ژیانمان دەرباز بکەین."
بەرزبوونەوەی هەڵاوسان بەزۆری بەهۆی بەرزبوونەوەی نرخی سووتەمەنی و نرخی ماددە خۆراکییەکانەوە روویداوە؛ ئەوەش کاری رێستۆرانتەکانی ئەستەم کردووە.
شێلدۆن پاڵمەر، خاوەن چێشتخانە ئاماژە بەوە دەکات، "نرخی مریشک بە رێژەی 30% بەرزبووەتەوە؛ گۆشتی سووریش کە ئێمە زۆر بەکاریدەهێنین بە رێژەی 47% بەرزبووەتەوە. نرخی رۆن 130% بەرزبووەتەوە."
حکومەتی بەریتانیا دەڵێت، بۆ کەمکردنەوەی گوشاری سەر خێزانەکان پلانی هەیە گۆڕانکاری لە مووچەی خانەنشینی و فەرمانبەرانی حکومەت بکات.
ليست هناك تعليقات
إرسال تعليق