دڵشاد شهاب: ئەو عورفە بەردەوامە كە بۆ پۆستە باڵاكانی عێراق هەیە

ليست هناك تعليقات



دڵشاد شەهاب، ڕاوێژكاری سه‌رۆكی هه‌رێمی كوردستان بۆ كاروباری سیاسی بە پێگەی فەرمی پارتی ڕاگەیاندوە، ئه‌و عورفه‌ سیاسییه‌ی له ‌نێوان لایه‌نه‌كاندا بۆ پۆستی سه‌رۆككۆمار و سه‌رۆكوه‌زیران و سه‌رۆك په‌رله‌مان هەبوو، هه‌ر ماوه.

‌ئەو ڕاوێژكارەی سەرۆكی هەرێم وتیشی: بۆ بابه‌تی دیاریكردنی كه‌سه‌كانیش سیاسه‌تی ئێمه‌ وایه‌ كه‌ كورد له‌ناو خۆیاندا ڕێككه‌وتن له‌سه‌ر یه‌ك كاندید بۆ سه‌رۆككۆمار بکات و سوننه‌كانیش بۆ سه‌رۆكی په‌رله‌مان ڕێككه‌وتن بکەن و سه‌رۆكی حكوومه‌تیش له‌ نێوان لایه‌نه‌ شیعه‌كاندا لەسەری ڕێك بكه‌ون.

دەشڵێت: هیوامان ئه‌وه‌یه‌ كه‌ نه‌ ئێمه‌ ده‌ست وه‌رده‌ینه‌ گرفته‌كانی ئه‌وان و نە به‌پێچه‌وانه‌شه‌وه،‌ هه‌رچه‌نده‌ تا ئێستا ئاماژه‌یه‌كی گرفت له‌و بارەیە‌وه‌ نییه،‌ به‌ڵام گرنگ ئه‌وه‌یه‌ ڕێككه‌وتن بكرێت.

دوای تێپەڕبونی زیاتر لە 70 ڕۆژ بەسەر هەڵبژاردنی پێشوەختەی عێراق و ڕاگەیاندنی ئەنجامی كۆتایی هەڵبژاردنەكە، هێشتا لاینە سیاسییەكانی عێراق بە فەرمی دەستیان بە دانوستان نەكردووە بۆ پێكهێنانی حكومەتی نوێی عێراق.




ليست هناك تعليقات

إرسال تعليق