گۆڕانی کەشوهەوا کاریگەریی گەورەی لەسەر کوردستان و عێراق هەبووە

ليست هناك تعليقات

 


گۆڕانی کەشوهەوا لەسەدەی بیستویەکدا ئاڵنگارییەکی دیکەیە بەرۆکی مرۆڤایەتیی گرتووە. هەمووان هاواریان لە کاریگەرییەکانی قەیرانەکە لێ هەڵساوە کە بەهۆی خراپ بەکارهێنانی زەوی و سامانەکانییەوە تا دێت هەڕەشەکەی گەورەتر دەبێت.

گوتەبێژی دەستەی ژینگەی هەرێمی کوردستان بە تۆڕی میدیایی رووداوی راگەیاند، عێراق و هەرێمی کوردستان پابەندبوونی خۆیان بە هەنگاوەکانی رووبەڕووبوونەوەی گۆڕانی کەشوهەوا لە ساڵی 2021 تاوەکو 2030 راگەیاندووە و دەیانەوێت بە هاوکاریی نێودەوڵەتی، ئەو گازانە کەمبکەنەوە کە دەبنە هۆکاری گەرمبوونی زەوی.

عەبدولڕەحمان سدیق، سەرۆکی دەستەی ژینگەی هەرێمی کوردستان رایگەیاند "بەپێی نەتەوەیەکگرتووەکان، دەردانی ئەو گازانەی پلەی گەرمی زەویی گەرمتر دەکەن، تادێت زیاتر دەبێت و بەوهۆیەوە پلەی گەرمیی زەوی بە بڕی 1.1 پلەی سیلیزی زیادیکردووە بەراورد بە سەدەی نۆزدە، 10 ساڵی 2011 تاوەکو 2020یش گەرمترین ساڵەکان بوون، وڵاتە گەورە پیشەسازییەکان لە ریزبەندی سەرووی ئەو وڵاتانەوەن کە زۆرترین دەردانی گازییان هەیە".

بەپێی داتاکانی وێڵد ئۆ میتەر، لە ساڵی 2016 دا 162 ملیۆن و 646 هەزار و 160 تۆن گازی دوانۆکسیدی کاربۆن لە هەرێمی کوردستان و عێراق چووەتە نێو هەواوە، کە لەسەر ئاستی جیهان ٪0.45 دەکات. ساڵانەش بەرێژەی 1.22٪ دەردانی ئەو گازە لە هەرێمی کوردستان و عێراق زیاتر دەبێت.

زیادبوونی کاریگەرییەکانی دیاردەی گۆڕانی کەشوهەوا لە سەر وڵاتانی ناوچەکە وایکردووە، حکومەتی ئەو وڵاتانە پەنا بۆ هەندێک رێکار ببەن، ئەوەش وەک وەڵامدانەوەیەک بۆ رێگەگرتن لە زیادبوونی هەڕەشەکانی دیاردەکە.

گلدانەوە و گرتنەوەی ئاوی هەندێک لەو رووبارانەی دەڕژێنە نێو هەرێمی کوردستان و عێراق یەکێکە لەو رێکارانەی ئەو وڵاتانەی پەنای بۆ دەبەن کە ئەوەش کێشەی جیدی بۆ هەرێمی کوردستان و عێراق دروستکردووە.

ليست هناك تعليقات

إرسال تعليق