لە چەند ڕۆژی ڕابردوودا شەپۆلێكی ناڕەزایی خوێندكارانی قۆناغی دوانزەی گرتەوە و بەشێك لە لێدوانەكانی خوێندكارەكان ناخ هەژێن و ئازار دەربوون، بەهۆی ئەوەی بەشێكیان وێرای بوونی نمرەیەكی بەرز بەڵام كۆلێژەكانیان وەك وەڵامدەرەوەی نمرەكانیان نەبینی، بەتایبەی ئەو خوێندكارانەی كە كۆنمرەیان %٩٩ بوو بەڵام لە كۆلێژی پزیشكی گشتی ناویان نەگەرابوویەوە، ئەوە لە چەندین كۆلێژیتریش ئەم ناڕەزاییانە بەردەوامبوون و داوای پێداچوونەوە و چارەسەركراو و خوێندكاران سوربوون لەسەر فشارەكانیان
دوای چەند ڕۆژێك لە بێدەنگی ئەمڕۆ وەزیری خوێندنی باڵا (د.ئارام قادر) لە چەند لدوانێكدا تائكیدی لە پێداچوونەوە و چارەسەركردنی ئەو كێشانەدا كە خوێندكارانی دوانزەی هێناوەتەسەر شەقام
وەزیری خوێندنی باڵا ئەوەی كردی لە چەند ڕوویەكەوە جێگای لەسەر وەستان و دەستخۆشی بوو
یەكەم- هاتنەسەر خەت لە وادەیەكی زەمەنی كەمدا و بەدەمەوە هاتنی ناڕەزاییەكان و بەڵێنی چارەسەر پێیان، ئەمە هەنگاوێكی ئیجابی و بیركردنەوەیەكی دروستە نەك ئەوەی بیەوێت نەچێتە ژێر باری داخوازی و فشاری خوێندكاران
دووهەم- نەهات لۆمەی خوێندكاران بكات و بكەوێتە حكایەت خوێندنەوە بۆیان بەڵكو بەڕوونی وتی هەڵەمان كردوە و ڕاستی دەكەینەوە و ڕاستكردنەوەكەش بە قازانجی خوێندكارانە و بەمەش دلنیایی دایە خوێندكاران و كەسوكاریان
سێهەم- بەرپرسیارێتی خستە ئەستۆی خۆیان و بە زمانێكی سادە و ساكار لەگەڵ خوێندكارەكان و كەسوكارەكانیان دوا و بە زمانێكی كەمێك زبر لەگەڵ بەشێك لە سەرۆكی زانكۆكان، ئەم جۆرە لێدوانانە لە پێشتردا یان نەبوون یان زۆر كەم بوون
عوسمان عبدلڵە
ليست هناك تعليقات
إرسال تعليق