سەرۆکی پەرلەمان بۆ هاوڵاتیان: بەشداری پرۆسەی دەنگدان بکەن

ليست هناك تعليقات

 

سەرۆکی پەرلەمانی کوردستان رایدەگەیێنێت بەپێی راپرسییەکان و ئەنجامە نافەرمییەکانی دەنگدانی تایبەت گۆڕانکاری زۆر گەورە لە نەخشەی سیاسیی عێراق روونادات بۆ کورد و کوردستانیەکانیش بە پێویستی زانی بە یەکڕیزی بچنە بەغدا بۆ بەدەستهێنانی شایستەکانی خەڵکی کوردستان و جێبەجێکردنی ئەو ماددانەی دەستوور، کە لە بەرژەوەندیی کوردستانیانە.

ئەمڕۆ یەکشەممە 10-10-2021، رێواز فایەق، سەرۆکی پەرلەمانی کوردستان لە میانی بەشداریکردنی پرۆسەی دەنگدان لە شاری هەولێر لە کۆنگرەیەکی رۆژنامەڤانیدا رایگەیاند: "ئێمە وەکو هەموو هاووڵاتییەکی دیکەی هەرێمی کوردستان لەگەڵ هاوژین و کوڕەکانم بەشداریمان کرد لە پرۆسەی دەنگدان بۆ هەڵبژاردنی ئەنجوومەنی نوێنەرانی عێراق".

سەرۆکی پەرلەمانی کوردستان داوا لە هەموو هاونیشتمانیانی هەرێمی کوردستان و ناوچە کوردستانییەکانی دەرەوەی ئیدارەی هەرێمی کوردستان بە تایبەتی و هەموو هاووڵاتیانی عێراق کرد: "بەشداری پرۆسەی دەنگدان بکەن بە مەبەستی هەڵبژادنی نوێنەری شایستە و دڵخوازی خۆیان بۆ ئەوەی نەخش و کاریگەریان لە دروستکردنی حکومەتی ئایندەی عێراق و پێکهێنانی ئەنجوومەنی نوێنەرانی عێراق و دروستکردنی ئاییندە هەبێت".


ليست هناك تعليقات

إرسال تعليق