ئێوارەیەکی رەش بۆ سەرۆك ماکرۆن

ليست هناك تعليقات

عادل باخەوان

ئەمڕۆ خولی یەکەمی هەڵبژاردنی هەرێمەکانی فەرەنسا بەڕێوەچوو، یەکشەممەی داهاتووش خولی کۆتاییش بەڕێوەدەچێت.

وانەی یەکەم: فەرەنسییەکان زللەیەکی تووندیان لە سەرۆك ماکرۆندا و زۆربەی بەربژێرەکانی شکستیان هێنا، بەتایبەتی لە هەرێمی پاریسدا.

وانەی دووەم: مارین لۆپێن بە هەمان شێوەی سەرۆك ماکرۆن شکستی هێنا و بەشێوەیەکی زۆر بەرچاو دەنگی بەربژێرەکانی دابەزی.

وانەی سێیەم: گەڕانەوەی راست و چەپی نۆرماڵ بەشێوەیەکی بەرچاو، بەتایبەتی کەسایەتییەکی وەك گزاڤێ بێرترداند کە وەك رکابەرێکی بەهێزی ماکرۆن دەردەکەوێت بۆ هەڵبژاردنەکانی سەرۆکایەتیی ساڵی داهاتوو.

وانەی چوارەم: رێژەی دەنگنەدان لە ئاستێکی یەکجار بەرزدایە و دەگاتە 66%. ئەمەش هەڕەشەیەکی تووندە بۆ هەموو لایەکیان.

وانەی پێنجەم: عێراق و کوردستان دەبێت هەر لە ئێستاوە خۆیان بۆ هەموو سیناریۆکانی ساڵی داهاتوو ئامادە بکەن، چونکە دەرئەنجامەکانی هەڵبژاردنی سەرۆکایەتیی فەرەنسا کارایی راستەوخۆیان بەسەر عێراق و کوردستانەوە دەبێت.

د. عادل باخەوان، سەرۆکی ناوەندی لێکۆڵینەوە لە کاروباری عێراق لە فەرەنسا

ليست هناك تعليقات

إرسال تعليق