بانکی ناوەندی هەنگاوێکی نوێی بۆ دابەزاندنی نرخی دۆلار گرتەبەر

ليست هناك تعليقات

ئەمڕۆ سێ شەممە، بانکی ناوەندی عێراق بڕی فرۆشتنی دۆلاری بۆ ٢٣٧ ملیۆن زیادکرد بە ئامانجی رێگریکردن لە بەرزبوونەوەی بەهای دۆلار بەرامبەر دینار.

ئەمڕۆ سێشەممە، بانکی ناوەندی عێراق لە کڕین و فرۆشتنی دراوە بیانییەکاندا ژمارەیەکی بەرزی تۆمار کرد، بەجۆرێک رێژەی فرۆشتن گەیشتە ٩.٢٢٪.

بانکی ناوەندی بە ئامانجی دابەزاندنی نرخی دۆلار بەرامبەر دینار، بڕی ٢٣٧ ملیۆن و ٩٦٨ هەزار دۆلاری ئەمریکی خستە بازاڕەکانەوە.

بانکی ناوەندی عێراق، ئەمڕۆ نرخی یەک دۆلاری ئەمریکی بەرامبەر بە هەزار و ٤٦٠ دیناری عێراقی فرۆشت، ئەمەش بووە هۆی دابەزینی نرخی دۆلار و بەرزبوونەوەی بەهای دینار.

ئەمە لەکاتێکدایە، ئەمڕۆ سێ شەممە، نرخی دۆلار دابەزینێکی زیاتری بەخۆوە بینی لەبازاڕەکانی ئاڵوگۆڕی بەغدا ١٠٠ بەرامبەر ١٤٦ هەزار و ٨٠٠ دینار مامەڵەی پێوەکرا، بەڵام لەبازاڕی سلێمانیدا ١٠٠ دۆلار بەرامبەر بە ١٤٧ هەزار و ٢٠٠ دینار مامەڵەی پێوەکرا.

ليست هناك تعليقات

إرسال تعليق