چوارشه‌ممه 2021/4/14، د.هێمن هه‌ورامی جێگری سه‌رۆكی په‌رله‌مانی كوردستان،پێشوازیی له‌فرانسوا دێ ریكۆفیس له‌به‌رپرسی ئابووریی باڵیۆزخانه‌كانی فه‌ره‌نسا له‌ڕۆژهه‌ڵاتی ناوه‌ڕاست و ئۆلیڤێ دێكۆنتی كونسوڵی گشتیی فه‌ره‌نسا له‌هه‌رێمی كوردستان و شاندی یاوه‌ریان كرد.له‌دیداره‌كه‌دا د.هێمن هه‌ورامی وێڕای ده‌ربڕینی سوپاس و پێزانینی خۆی بۆ گه‌ل و حكومه‌تی فه‌ره‌نسا سه‌باره‌ت به‌و پیشتگیرییه‌یان كه له‌هه‌رێمی كوردستانى ده‌كه‌ن، باسی له‌دۆخی سیاسی و ئابووری و ئه‌و لێكه‌وته ئابوورییانه كرد كه‌به‌هۆی فایرۆسی كۆڕۆناوه رووبه‌ڕووی جیهان بۆته‌وه به‌هه‌رێمی كوردستانیشه‌وه، هاوكات تیشكی خسته‌سه‌ر پرسی په‌سه‌ندكردنی بودجه‌ی گشتیی عێراق بۆ ساڵی 2021 و جێگیركردنی پشكی هه‌رێمی كوردستان له‌و بودجه‌یه‌داو رایگه‌یاند: "په‌رله‌مانی كوردستان چاودێریی ته‌واوی جێبه‌جێكردنی بڕگه‌و ماده‌كانی تایبه‌ت به‌هه‌رێمی كوردستان له‌و بودجه‌یه‌دا ده‌كات و جه‌خت له‌سه‌ر پابه‌ندبوونی هه‌ردوولا به‌ڕێككه‌وتنه‌كه ده‌كه‌ینه‌وه كه له‌به‌رژه‌وه‌ندیی هه‌ردوولادایه‌و پشتیوانیی خۆشمان بۆ هه‌نگاوه‌كانی حكومه‌تی هه‌رێمی كوردستان له‌سه‌ر ئه‌و پرسه ده‌رده‌بڕین".
هه‌ر له‌دیداره‌كه‌دا جێگرى سه‌رۆكی په‌رله‌مان باسی له‌بودجه‌ی گشتیی هه‌رێمی كوردستان كرد، كه‌بڕیاره له‌داهاتوویه‌كی نزیكدا بگاته په‌رله‌مانی كوردستان به‌مه‌به‌ستی گفتوگۆكردن و په‌سه‌ندكردنی و راشیگه‌یاند: "كاری له‌پێشینه‌ی په‌رله‌مان و حكومه‌تی هه‌رێم ئه‌نجامدانى چاكسازییه‌كی گشتگیره له‌سه‌رجه‌م سێكته‌ره‌كان و دابینكردنی مووچه‌ی مووچه‌خۆرانی هه‌رێمی كوردستان ".
پاشان فرانسوا دێ ریكۆفیس به‌رپرسی ئابووریی باڵیۆزخانه‌كانی فه‌ره‌نسا له‌ڕۆژهه‌ڵاتی ناوه‌ڕاست، وێڕای ده‌ریڕینی خۆشحاڵیی خۆیان بۆ په‌رله‌مانی كوردستان، جه‌ختی له‌بوونی په‌یوه‌ندییه‌كی به‌هێز له‌نێوان هه‌ردوولا كرده‌وه‌و ئاماژه‌ی به‌بوونی په‌یوه‌ندییه بازرگانییه‌كان و هاتنی كۆمپانیاكانی فه‌ره‌نسا بۆ هه‌رێمی كوردستان به‌مه‌به‌ستی كاری بارزگانی و وه‌به‌رهێنان كرد.
ڕۆژی چوارشەممە ١٤/٤/٢٠٢١، د.هێمن هەورامی جێگری سەرۆکی پەرلەمانی کوردستان و شاندێکی وەزارەتی دەرەوەی فەرەنسا و کونسولی گشتی فەرەنسا کۆبوونەوە،.
کۆبوونەوەکە بۆ گفتوگۆ کردن بووە لەسەر دوا پێشھاتە سیاسی و ئابوریەکانی نێوان ھەرێمی کوردستان و حکومەتی فیدراڵی عێراق
ليست هناك تعليقات
إرسال تعليق