محه‌مه‌د جه‌واد زه‌ریف، وه‌زیری ده‌ره‌وه‌ی ئێران، ئه‌مڕۆ هه‌ینی (5ی ئادار/ مارسی 2021) رایگه‌یاند، وڵاته‌كه‌ی سیاسیه‌تێكی روونی بۆ ده‌ره‌وه هه‌یه و نابێت ئه‌مه تێكه‌ڵاوی بۆچوونی هه‌ندێك به‌رپرسی ئێرانی بكرێن.
زه‌ریف له تویتێكدا نووسیویه‌تی: "حکومەتی ئێران زیندووە و بەرپرسان بۆچوونی جۆراوجۆر دەردەبڕن، بەڵام نابێت ئەم بۆچوونانە لەگەڵ سیاسەتی دەوڵەتدا تێكه‌ڵاو بن"
گوتیشی: "به‌و سیفه‌ته‌ی وه‌زیری ده‌ره‌وه‌ی ئێران و گه‌وره به‌رپرسی دانووستانی ئه‌تۆمیم، له رێگه‌ی كه‌ناڵه دیپلۆماسییه گونجاوه‌كانه‌وه، بەم زووانە پلانێکی کاری کۆنکریت و بنیاتنەر پێشکەش دەکەم".
تویته‌كه‌ی زه‌ریف وه‌ك وه‌ڵامدانه‌وه‌یه‌ك بۆ لێدوانێكی "موحسین ره‌زایی"، سكرتێری دیاریكردنی به‌رژه‌وه‌ندی رژێم، هاتووه.
موحسین ره‌زایی، بۆ رۆژنامه‌یه‌ك گوتی: "ئێران ئاماده‌ی دانووستانه له‌گه‌ڵ ئه‌مه‌ریكا و زلهێزه‌كانی دیكه‌ی جیهان، ئه‌گه‌ر لایه‌نی به‌رامبه‌ر له‌ماوه‌ی ساڵێكدا ئاماژه‌یه‌كی روون له‌سه‌ر هه‌ڵگرتنی سزاكانی سه‌ر ئێران بدات".
ره‌زایی گوتیشی: "له‌سه‌ر لایه‌نی به‌رامبه‌ر پێویسته ده‌سته‌به‌ری ئه‌وه بكات، كه له‌ماوه‌ی ساڵێكدا سزاكانی سه‌ر ئێران هه‌ڵده‌گیرێن".
سه‌عید خه‌تیبزاده، گوته‌بێژی وه‌زاره‌تی ده‌ره‌وه‌ی ئێران له وه‌ڵامی لێدوانه‌كه‌ی "ره‌زایی" گوتی: "هه‌ڵوێستی فه‌رمی ئێران، له رێگه‌ی كه‌ناڵه‌كانی وه‌زاره‌تی ده‌ره‌وه‌یدا راده‌گه‌یه‌نرێت".
سه‌رچاوه: RT
ليست هناك تعليقات
إرسال تعليق