لەبەرامبەر ئەو پەیامە توندەی كە فەرماندەیەكی حەشدی شەعبی ئاراستەی مەسعود بارزانی كردبوو، دژە تیرۆری كوردستان ئەو فەرماندەیە بە تیرۆریست وەسفدەكات و لە پەیامێكدا رایدەگەیەنێت، وڵاتێك بودجەكەی بەدەست ئەو جۆرە كەسانەوە بێت، دەبێ ژیانی هاووڵاتیانی پڕ لە مەرگەسات بێت و لەژێر هێڵی هەژاریدا بژین و لەسەر زبڵەكانی لێواری شار بۆ ژەمێك خۆراك بگەڕێن.
دژە تیرۆری كوردستان، لە پەیامەكەیدا كە وەك وەڵامێكە بۆ ئەبوئالائی وەلائی فەرماندەی حەشدی شەعبی، نوسیویەتی،" نە نوێنەرایەتی عیراق دەكەن و نە خاوەنی هیچ پێگەیەكی فەرمین، تیرۆریستێكی ترسنۆكن كە لەسەر خواستی ئاغاكانتان وڵات وێران دەكەن و هەر رۆژەو لە شوێنێك كردەوەی تیرۆریستی ئەنجام دەدەن، هاووڵاتیی سڤیل دەكەنە قوربانی و شوێنە گشتییەكان و فڕۆكەخانە مەدەنییەكان مووشەكباران دەكەن و پەلاماری هاوپەیمانان دەدەن.
دژە تیرۆر بۆ ئەبوئالائی وەلائی نووسیوە: وڵاتیك بودجەكەی بەدەست ئێوە بێت و ئێوە بڕیاری لەبارەوە بدەن، بێگومان ئەوە ئەنجامەكەیەتی كە دەبێ ژیانی هاووڵاتیانی پڕ لە مەرگەسات بێت و لەژێر هێڵی هەژاریدا بژین و لەسەر زبڵەكانی لێواری شار بۆ ژەمێك خۆراك بگەڕێن".
لە كۆتایی پەیامەكەدا هاتووە" رقوكینەتان لە بەرامبەر سەرۆك بارزانی لە 16ی ئۆكتۆبەر تاقی كردەوە، بەڵام شكست و سەرشۆڕیتان بۆ مایەوە".
دوێنێ 16-3-2021، ئەبو ئالائی وەلائی، ئەمنیداری گشتی كەتائیبی سەیدی شوهەدا، كە یەكێكە لە گروپە چەكدارییەكانی سەر بە حەشدی شەعبی، لەپەیامێكدا هێرشی توندی كردبووە سەر مەسعود بارزانی سەرۆكی پارتی دیموكراتی كوردستان و رایگەیاندبوو: رێگە بە تێپەڕاندنی یاسای بودجەی عیراق نادەین ئەگەر ببێتە هۆی ئەوەی پارەی گەلی عیراق و كورد لەلایەن بارزانییەوە دەستی بەسەدار بگیرێت.
ليست هناك تعليقات
إرسال تعليق