ئەنجوومەنی دادوەری فەڕەنسا سێ بڕیارنامەی پەسەند کرد کە رێگە بە ھێزە ئەمنییەکان دەدات "لەپێناو پاراستنی ئاسایشی دەوڵەت" زانیاری لەبارەی بیروباوەڕی سیاسیی و ئایینی و تەندروستی خەڵک کۆبکەنەوە.
ئەنجوومەنی دادوەری بڕیاری خۆی دا لەبارەی تانەدانی سەندیکاکانی ئەو وڵاتە کە کۆنفیدراسیۆنی کاری گشتی و سەندیکای پارێزەرانی فەڕەنسای تیادا بوون، لەو بڕیارنامانە.
ئەنجوومەنەکە ئاماژەی بەوە داوە کە ئەم بڕیارنامە پەسەندکراوانە پێشێلی ئازادی بیروڕا و ئازادییە ئاینییەکان و ویژدان ناکات.
ئەم بڕیارنامانە کە ٤ی کانوونی یەکەم لەلایەن حکوومەتەوە بڵاو کرانەوە، رێگە بە ھێزە ئەمنییەکان دەدات "لەپێناو پاراستنی ئاسایشی دەوڵەت" زانیاری لەبارەی بیروباوەڕی سیاسیی و ئایینی و تەندروستی خەڵک کۆبکەنەوە.
بەپێی بڕیارنامەکان ناوی ئەو تۆمەتبارانە تۆمار دەکرێت کە لە تۆڕە کۆمەڵایەتییەکان وێنە و لێدوان لەبارەی کردە تیرۆریستییەکان بڵاو دەکەنەوە و یاخود ھەڕەشەن بۆ سەر یەکپارچەیی خاکی فەڕەنسا. ھەموارکردنەوەی بڕیارنامەکان کۆمەڵە و رێکخراوەکانی ئەم وڵاتەیش دەگرێتەوە.
ليست هناك تعليقات
إرسال تعليق