لە لێدوانێكدا بۆ تەلەڤزیۆنی ئێرانی، كەمالوەندی گوتی: "توانیمان یۆرانیۆمی پیتێندراو بەڕێژەی 20% لە دوو ئامێری سەنتەرفیۆچدا بەدەست بێنین.
گوتیشی: "لە حاڵەتی ئاساییدا، كارەكە 24 كاتژمێری دەوێت، بەڵام بەھۆی رێگا نوێیەكانەوە، كە تەكنیكارانی ئێرانی ئەنجامیاندا، توانیمان پیتاندن بەرز بكەینەوە بۆ 20% لە ماوه‌ی تەنیا 12 كاتژمێردا".
حكومەتی ئێران، ئەمڕۆ رایگەیاندبوو، دەستیكردووەتەوە بە پیتاندنی یۆرانیۆم بەڕێژەی 20% لە دامه‌زراوه‌ی فۆردۆی ئەتۆمی.
لە هەمان کاتدا
محه‌مه‌د جواد زه‌ریف، وه‌زیری ده‌ره‌وه‌ی ئێران، له تویتێكدا ئه‌مڕۆ دووشه‌ممه (4ی كانوونی دووه‌م/ یه‌نایه‌ری 2021) رایگه‌یاند، وڵاتەکەی بە رێژەی (20%) پیتاندنی یۆرانیۆمی دەست پێکردەوە، ده‌كرێت له‌و هه‌نگاوه پاشه‌گه‌زببینه‌وه، ئه‌گه‌ر لایەنە پەیوەندیدارەکان پابەندی رێککەوتنه ئه‌تۆمییه‌كه بن.
زه‌ریف له توویته‌كه‌ی نووسیویه‌تی: "هه‌ر وه‌ك په‌رله‌مانه‌كه‌مان رایسپاردووین، پیتاندنی یۆرانۆممان له رێژه‌ی (20%) ده‌ستپێكرده‌وه، به فه‌رمی ئاژانسی نێوده‌وڵه‌تی وزه‌ی ئه‌تۆمیمان ئاگاداركردووه‌ته‌وه".
ئاماژه‌ی كرد، "هه‌نگاوه‌كانمان به ته‌واوه‌تی به پێی به‌ندی (36)ی رێككه‌وتنی ئه‌تۆمی ئێرانه، دوای ئه‌وه‌ی چه‌ندین ساڵ، وڵاتانی به‌شدار له رێككه‌وتنه‌كه پابه‌ندی نه‌بوون".
زه‌ریف روونیكرده‌وه، "ناكرێت ئێران له هه‌نگاوه‌كانی پاشه‌گه‌زببێته‌وه، كاتێك هه‌موو لایه‌نه‌كان پابه‌ندی رێككه‌وتنه‌كه نه‌بوون".
ليست هناك تعليقات
إرسال تعليق