سبەی شاندی حكومەتی هەرێم دەگەڕێتەوە بەغداد

ليست هناك تعليقات


بڕیارە سبەی جارێكی دیكە شاندی حكومەتی هەرێمی كوردستان بە سەرۆكایەتی قوباد تاڵەبانی سەردانی بەغداد بكاتەوە و وتەبێژی جێگری سەرۆكوەزیرانیش دەڵێت، جگە لە لیژنەی دارایی شاندەكە لەگەڵ فراكسیۆنەكانیش كۆدەبێتەوە.

 سەمیر هەورامی، وتەبێژی جێگری سەرۆكوەزیرانی هەرێمی كوردستان ئەمڕۆ شەممە 30ی كانونی دووەم ڕایگه‌یاند، سبەی شاندی حكومەتی هەرێمی كوردستان بە سەرۆكایەتی قوباد تاڵەبانی، جێگری سەرۆكوەزیرانی هەرێم سەردانی بەغداد دەكاتەوە.

وتیشی، “سەردانەكەی ئەمجارە بۆ كۆبوونەوە لەگەڵ لیژنەی دارایی ئەنجومەنی نوێنەران و كوتلە سیاسییەكانی ناو پەرلەمانە سەبارەت بە چۆنیەتی دیاریكردن و جێگریكردنی شایستە داراییەكانی هەرێمی كوردستان لە پرۆژەیاسای بودجە كە بڕیارە لەچەند ڕۆژی داهاتوودا ببێتە یاسا”.

دوایین سەردانی شاندی حكومەتی هەرێم بۆ بەغداد یەكشەممەی ڕابردوو 24ی كانونی دووەم بوو، لەمیانەیدا شاندەكە چەند كۆبوونەوەیەكی لەگەڵ لیژنەی دارایی و دەستەی سەرۆكایەتی ئەنجومەنی نوێنەران و بەرهەم ساڵح، سەرۆككۆماری عێراق ئەنجامدا.

مە‌بە‌ست لە سەردانەكانی ئەمدواییەی شاندی حكومەت چە‌سپاندنی ڕێككە‌وتنی مانگی 12ی 2020ی نێوان حكومە‌تی ھە‌رێمی كوردستان و حكومە‌تی فیدڕاڵە،‌ لە‌سە‌ر پڕۆژەیاسای بودجە‌ی 2021، كە‌ تیایدا پشكی ھە‌رێم بە 12.67٪‏ دیاریكراوە.

ليست هناك تعليقات

إرسال تعليق