جێگری سەرۆكی پەرلەمان: هەرێم ئامادەی رێککەوتنی کاتی و یاسای بودجەیە لەگەڵ بەغدا

ليست هناك تعليقات




جێگری سەرۆکی پەرلەمانی کوردستان رایگەیاند، تێپەڕاندنی یاسای قەرز بەو شێوازەی لە کۆبونەوەی 12ـی ئەم مانگە لە پەرلەمانی عێراق رویدا، پێچەوانەی رێککەوتنی پێشوەختی نێوان هەولێر و بەغدا بوە و لەسەرەتای دەستبەکاربونی حکومەتی نوێی عێراقیشەوە کوردستان ئامادەیی رێککەوتنی کاتی، یاسای بودجە و تەنانەت یاسای قەرزیش بوە بەمەبەستی چارەسەرکردنی کێشەکان.


هێمن هەورامی، جێگری سەرۆکی پەرلەمانی کوردستان لە کۆنفرانسێکی رۆژنامەنوسیدا رایگەیاند، لە 15-4-2020 تاوەکو 6-9-2020 شاندی حکومەتی هەرێم 12 جار سەردانی بەغدای کردوە و لەسەر پشکی هەرێم و چۆنیەتی رێککەوتن لەسەر رادەستکردنی نەوت و رێژەکەی لەگەڵ حکومەتی عێراق گفتوگۆیان کردوە و ناردنی 320 ملیارەکەش لەو چوارچێوەی ئەو رێککەوتنەدا بوە.

بەشێک لە پەرلەمانتارانی هەردو پێکهاتەی شیعە و سونە بە پێچەوانەی ئەو رێککەوتنە دەنگیاندا
ئاماژەی بەوەشکرد، مانگەکانی ئایار، حوزەیران و تەمموزی ئەمساڵ حکومەتی عێراق هیچ بڕەپارەیەکی بۆ کوردستان نەناردوە و بڕیاربوە مانگەکانی ئاب، ئەیلول و تشرینی یەکەم تاگەیشتن بە رێککەوتن ناردنی 320 ملیارەکە بەردەوام بێت، ئەوەش رێککەوتنی نێوان هەولێرو بەغدا بوە، بەڵام بەشێک لە پەرلەمانتارانی هەردو پێکهاتەی شیعە و سونە بە پێچەوانەی ئەو رێککەوتنە دەنگیاندا.

ليست هناك تعليقات

إرسال تعليق