بەڵێ زانا لەبەردەم نەزان وەستاوە !

ليست هناك تعليقات


ڕەزوان یاڵانپێی
-
چی دام و دەزگای ئیداری و حکومی هەیە لە کوردستاندا زانا و دڵسۆز و لێهاتوەکان لە پشت پەردەوە شاردراونەتەوە و نەزان و گەمژەکانیش وەک بەتەڵ فیلمەکان لە سەر تەختی شانۆ دەرکەوتون و شایلۆغانیانە، لە ئەساسیشدا هەر خۆیان کاهینێکی قێزەونی بەردەم حزبەکەی خۆیانن.

هەر بۆ نمونە:

سەرێ لەتەواوی قوتابخانەکان بدەن بزانن چۆن مامۆستایەکی خاوەن ئەزمون کە پتر لە سی ساڵ خزمەتی هەیە و لە ژورێکی قەتیسکراودا پاڵی داوەتەوە و خنکێنراوە، لەبەرامبەریشدا مامۆستایەکی تازەی نەزانی کۆیلەی عەیرە بیست وچواری حزبی بە بڕوانامەیەکی پەیمانگاوە کراوەتە بەڕێوەبەر و دەم ڕاست.

لە زانکۆکانیشدا ببینن توێژەر و استازە لێهاتوەکان چۆن پەراوێز خراون و دەبەنگەکانیش ڕاگر و سەرۆک بەش و بەڕێوەبەرەکانن، خاوەنی بڕوانامەیەکی بەرزە، لەبەردەم نەخوێندەوارێکی حزبیدا ملی کەچ کردوەوە و دەبێت پلانەکانی حزبی بۆ هەڵسوڕێنێت لە دەزگا ئەکادیمی و عیلمیەکاندا.

سەیری بنکەکانی تەندروستیش بکەن، بەڕێوەبەری تەواوی بنکەکانی تەندروستی لە شارە جیاوازەکاندا خزمەتی ناگاتە پێنج ساڵ دەبینیت بەڕێوبەری بنکە تەندروستیەکەیە و پزیشکە بەتوانا و سەکەوتوەکە لە ژێر دەستی ئەواندایە و ون بوە و شاردراوەتەوە.

پێویست بە ناوهێنانی تەواوی دام و دەزگاکان ناکات، خۆتان سێرچێکی خێرا بکەن، دەبینیت ئەوەی لە سەر کورسی شاهەنشاهی دانیشتوە کەسێکی دواکەوتوی فاشیلی حزبیە و تەنها لە بەر بونی حزبیەکەی زۆربەی زۆریان هەم کەسایەتی هەم کەراماتی خۆیان دانا

بۆیە پیرەمێرد دەڵێت:

ئەو کاتە زانیم وڵات فەوتاوە

زانا لەبەردەم نەزان وەستاوە

ئێمەش دەڵێین:

دونیا گۆمی شڵەقـــــــــــــــــــاوە

هیچ شتێک لەجـێی خۆی نەماوە

نەزان ســـــــــەربەرز و بڵنـــــــدە

زانا بەدبەخــــــــت و بەدنــــــاوە

دڕندە سەربەســـــــــــــت و ئازاد

تاجی شکۆی لەســـــــــــــەر ناوە

بولبولی خۆش خوێن داخــەکەم

لە قەفەزدا هەڵـــــــــــــــکورماوە

سەد شەهادە ســــــــــەد داهێنان

هەمـــــــــــووی بوەتە قوربانــــی

کۆیلەیەکی حەشــــــــــــــاردراو.







ليست هناك تعليقات

إرسال تعليق

adv/https://www.facebook.com/QaiwanGroup|https://i.postimg.cc/Nfy5msCp/Kurd-Plate-Qg-12-4.gif