هێڵی ئاسمانی عێراقی رایگه‌یاند، له به‌یانیه‌وه كه ده‌كاته ڕۆژی هه‌ینی، گه‌شته ئاسمانیه‌كانیان بۆ ماوه‌ی 13 رۆژ له‌گه‌ڵ كۆماری ئیسلامی ئێران راده‌گیرێن.
ده‌سه‌ڵاتی هێڵی ئاسمانی عێراق له‌نوسراوێكی فه‌رمیدا ئاشكرای كرد: سه‌رجه‌م گه‌شته ئاسمانیه‌كانی له‌گه‌ڵ وڵاتی ئێران له رۆژی 25ی ئه‌م مانگه‌وه تاوه‌كو 8ی 10 راده‌گیرێت.
به‌پێی زانیاریه‌كان هۆكار له داخستنی سنوره‌كان و وه‌ستاندنی گه‌شته‌كان ته‌نیا به‌هۆی مه‌ترسیه‌كانی زیاتر بڵاوبونه‌وه‌ی په‌تای كۆڕۆنایه، پێشتریش حه‌سه‌ن ته‌میمی وه‌زیری ته‌ندروستی و ژینگه‌ی عێراق رایگه‌یاندبوو، ڕێككه‌وتن له‌گه‌ڵ كۆماری ئیسلامی ئێران كراوه، بۆ داخستنی سنوره‌كانی وڵات و ڕێگه‌نه‌دان به سه‌ردانیكه‌رانی هیچ وڵاتێك تا ئه‌وكاته‌ی ڤایرۆسی كۆرۆنا كۆنترۆڵ ده‌كرێت.
ليست هناك تعليقات
إرسال تعليق