پۆلیسی نەهێشتنی تاوان لە سلێمانی رایگەیاند، باندێکی باج و سەرانەیان دەستگیرکردووە کە لە 10 کەس پێکهاتوون و چەندین جۆر چەکیان پێبووە، لەوانە بیکەیسی، هەروەها چوار ئۆتۆمبێلیان پێبووە کە دوانیان تابلۆی وەزارەتی پێشمەرگەی پێوەبووە.
پۆلیس رایگەیاند، باندەکە لە کاژێر 02:30 خولەکی شەو دەستگیرکراون، گومان دەکرێت تابلۆکانی سەر بە وەزارەتی پێشمەرگە "ساختە" بن، بەڵام هێشتا لێکۆڵینەوە تەواو نەبووە.
بە گوتەی پۆلیس رووبەڕووبوونەوەی چەکداری روویداوە و تەقە لە پۆلیس کراوە، ئەندامانی باندەکەش دوای رووبەڕووبوونەوەکە دەستگیرکراون.
ليست هناك تعليقات
إرسال تعليق