دیاری محمد نووری
-
هەرچەندە هەڵەیە کە هەرێمی کوردستان بە وڵاتێکی پێشکەوتوو بەراورد بکرێت، بەڵام هەندێجار بەراوردکردن بۆ بەرەوپێشچوون کارێکی پێویستە.
تاکەی پەرلەمانی کوردستان کە بەرهەمی خەباتی هەموو خەڵکی کوردستانە، هەر ساڵێک و هەر خولێک و هەر جارە بە بیانویەک لەلایەن حزبێکەوە سزا بدرێت و زەبوون بکرێت؟
پەرلەمان گەورەترین مەرجەعی هەرێمی کوردستانە ناکرێت بە دەستێوەردانی یەک حزب و بە زەبری هێز و دەسەڵات دابخرێت یان کارەکانی پەکبخرێت، یان بە دروستکردنی (زۆرینەیەکی نائاسایی) بە ئارەزووی حیزبێک یاریی پێبکرێت.
لە هەموو جیهاندا ململانێی سیاسیی لەنێوان حیزبەکاندا کەم و زۆر هەیە، بەڵام کاتێ ململانێکان ببنە هۆی داخستنی دەرگای پەرلەمان یان پەکخستنی ئەرکەکانی، ئەو ململانێیە شەرعی نییە و لە ڕێڕەوی خوی لایداوە.
ئێستا هەمووان بە خودی
پەرلەمانتارەکانیشەوە ئەوە دەڵێن کە پەرلەمان ناتوانێت ئەرکەکانی خۆی بەباشی ئەنجامبدات، رەنگدانەوەکەشی بەڕوونی دەبینین کە پەرلەمان لە دۆڵێکەو ژیان و گوزەرانی خەڵک لە دۆڵێکی تر، بۆیە پێویستە یاریکردن و زەبونکردنی پەرلەمان بەس بێت و هەموو لایەک هەوڵ بدەین ئەو دامەزراوە گرنگە بخەنەوە سەر سکەی خۆی و ئەو بەرپرسیاریەتییە مێژووییە بخەنە ئەستۆ، چونکە ئەمە ڕێخۆشکەر دەبێت کە کارەکانی حکومەتیش بچێتە سەر سکەی دروست و ببێتە جێی رەزامەندی خەڵک و بەمەش خەڵک لەگەڵ دامەزراوەکان ئاشت بکرێنەوە.
ليست هناك تعليقات
إرسال تعليق