سوهەیب شێخ ئەحمەد
ئەوە هەموومان دەزانین پارتی و یەکێتی لە بەر بەرژەوندی خۆیان و بێ هێزی و تەسلیم بونیان بەملاو لا ناتوانن قسەیەکی حەق دژی بۆردمانەکانی ئێران و تورکیا و کوشتنی بە ناحەقی مناڵی کورد بکەن.
ئەی ئێوەی نوێنەری گەیاندنی پەیامی خودا لەگەڵ ئەوەی هێز و گەورەیی خوداتان لەپشتە بۆ فەتوایەک دژی ئەم هەموو دزی و گەندەڵی و تاڵانی لە ناوخۆی هەرێم و بۆردومان و هێرشی وڵاتان بۆ سەر کورد دەرناکەن؟
مەگەر کاری ئێوە نیە و پێتان خۆش نییە بەهەشت ببینن ئیدی بۆ بەم هەموو بێدەنگیەتان لەم هەموو زوڵمەی لەخەڵک دەکرێت خۆتان لە بەهەشتی خودا دوور دەخەنەوە؟
کاری نوێنەرانی پەیامی خودا حەرامکردنی لەباربردنی حەملی ژنان و سواربوونی ژن بە تەنها لە تەکسی و دراوی کیونێت و بێتکوین و پەی نێت نیە بە تەنها.
ئێوە مادام نوێنەری خودان دەتوانن هەر بە ئایەتەکانی قورئان و کەلامی خودا ئەم هەموو زوڵمە ناوخۆیی و دەرەکیەی لە هاوڵاتی کورد دەکرێت بە فەتوایەک حەرام بکەن و ببنەوە بە نوێنەری راستەقینەی خودا.
ئەگەر نا ئەنجومەنی باڵای فەتوا و ئەنجومەنی سیاسی پارتی و یەکێتی و حزبەکانی تر چ جیاوازییەکی دەبێت گەر لەم هەموو زوڵم و دزی و نادادییە بێدەنگیتان بەردەوام بێت.
دواجار فەتواکانی ئێوە دەرخەری ئەوەیە کە ئایا لە پێناو خودایە هەموو فەتواکانتان یان پابەندبونتانە بە پاراستنی بەرژەوەندی حزب و جێبەجێکردنی فەرمانی حوکمڕانە فاسیدەکان.
لەگەڵ ئەوپەڕی حورمەتم بۆ ئەو زانا و مامۆستا حەق بێژانەی بە پەنجەکانی دەست دەژمێردرێن.
ليست هناك تعليقات
إرسال تعليق