ڕێبوار خەلیل هیدایەت
-
ئەگەر هەرێمی کوردستان بیەوێت چاکسازی بکات خۆی لەسەر پێ ڕابگرێت پێویستە بەپەلە ئەو هەنگاوانە بە پڕاکتیکی بگرێتە بەر .
یەکەم : هێنانەوەی وەزیری سامانە سروشتیەکانی پێشوو و هێشتەوەی لە کوردستان .
دووەم : بە هەر جۆرێک و بە هەر شێوازێک بێ ، هەموو کۆد و ژمارە بانکی داهاتی هەرێمی لێوەربگیرێتەوە ، لەو هەنگاوە دڵنیام ژماژە حیسابی و بڕی پارەی مۆڵدراو و شتی سەیر و سەمەرەی لێ ئیجاد دەبێ .
سێیەم : هێنانەوەی هەموو ئەو پارانەی کە لە ژمارەیەکی یەک جار زۆر حیسابی بانکی لە دنیادا بڵاوە پێکراوە .
چوارەم : لەژێر ڕۆشنایی ئەو کۆد و ڕایەڵە و پەیوەندیانەی کە کەشف دەکرێن پێداچوونەوە بە هەموو گرێبەست و لێکتێگەیشتنە ئاشکرا و ژێربەژێرانە لەگەڵ کۆمپانیا و کەسایەتی ئاسایی و مەعنەوی و دەڵاڵ و کڕیارەکان دا بکرێت لەبەرژەوەندی کوردستان .
پێنجەم : ئاشکراکردن و شەفاف کردنی ئەو مەلەفە و داوای لێبوردن کردن لە ناشەفافیەت و بەهەدەردانەکان .
شەشەم : پێداچوونەوە و ڕێکخستنەوەی سەرجەم داهاتەکانی ناوخۆ و ڕێگری کردن لە قاچاغ و لێبوردنی گومرگی و وەرگرتنی باج لە هەموو کۆمپانیاکان بەبێ هەڵاوێر بەتایبەت کۆمپانیانی بواری گەیاندن و نەوت و نیشتەجێکردن .
حەفتەم : بەدواداچوون بۆ هەموو ئەو ژمارانەی کە بە قەرز لەسەر حکومەت حیساب کراوە . لەو خاڵەدا دڵنیام ئەگەر مووچە و خەرجی حکومەت لە ساڵانی ڕابردوو لەگەڵ داهاتەکانی ناوخۆ و فرۆشتنی نەوت و پارەی هاتوو لە بەغدا حیساب بکرێت بە هیچ جۆرێک حکومەتی هەرێم قەرزدار نیە .
هەشتەم : دانوستانێکی سەنگین لەژێر ڕۆشنایی ئامارە تازەکان لەگەڵ مەرکەز بکرێت و پێکهاتنی تازە ئەنجام بدرێت
نۆیەم : داڕشتەوەی سیاسەتی دارایی و و خەرجی حکومەتی هەرێم و دانانی بودجەیەکی تەشغیلی سوککراو لەژێر ڕۆشنایی ئەو بارودۆخەی کە دێتە پێشەوە بە پەیڕەو کردنی خاڵەکانی پێشوو .
دەیەم : پەیڕەوکردنی سیستەمێکی مووچەی عادیلتر بە زیاد کردنی مووچە کەمەکان و کەمکردنەوەی مووچە باڵاکان .
یازدەهەم : دوای باش بوونی دۆخی مووچە و بودجەی تەشغیلی دەست کرێتەوە دروست کردنی پڕۆژەکان لە هەموو سێکتەرەکان بەگوێرەی ئەولەوتی ژیانی هاوڵاتیان .
و هاندان و ئاسانکاری بۆیان تا ڕۆڵی خۆیان ببینن لە پێشخستنی وڵات و کەم کردنەوەی بێکاری و بەرزکردنەوەی ئاستی بژێوی خەڵک
ليست هناك تعليقات
إرسال تعليق