هەواڵ
لەدیدارێكی تلفزیۆنیدا وریا حسێن بەڕێوبەری ڕێكخراوی دۆر بۆ زانیاری نەوت لەسەر ڕاپۆرتەكەی دیلۆیت وتی: دیلۆیت یەکێکە لەکۆمپانیا جێبەجێکارەکانى وردبینى لەنەوتى کوردستان، ئەوان بەشێوەى پرۆفیشناڵانە ڕاپۆرتەکانیان ئامادە دەکەن، ڕاپۆرتەکان بەدوو نووسخە ئامادە دەکرێن، ئەو نووسخە پڕ زانیارى و گرنگەى کە ووردەکارى کارى تیمەکانى تێدایە لە کێڵگەکان تاوەکو عەداد و پێژمێرەکان لەبەندەرى مێرسین، ئاڕاستەى حکومەت دەکرێت، ئەوەشى بڵاودەکرێتەوە پوختەى ڕاپۆرتەکەیە نەوەکو کۆى ڕاپۆرتەکە.
لە درێژەی لێدوانەكەیدا بۆ ئێن ئارتی وریا حسێن وتی: دیلۆیت، مافى بڵاوکردنەوەى ڕاپۆرتەکەى نیە، ئەوان ئاڕاستەى ئەنجومەنى هەرێمى بۆ کاروبارى نەوت و غازى دەکەن، ئەوان هەرکات بیانەوێت بڵاوى دەکەنەوە، ئەگەر نەشیانەوێت هەر بڵاوى ناکەنەوە.
وریا حسێن سەبارەت بە كاتی بڵاوكردنەوەی ڕاپۆرتەكە دەڵێ: ڕاپۆرتى کۆتایى دیلۆیت، کە ڕۆژى ٢ ئەم مانگە لەنیوەشەودا بڵاوکرایەوە، بەجۆرێک بڵاوکرایەوە تەنها بۆ ئەوەبوو کەس نەیبنێت، نازانم بۆچى؟ بەڵام وابوو؟ سەبارەت بەکاتى بڵاوکردنەوەکەشى ئەوەش هەرجێگەى گومان بوو!.
بەڕاى من دیلۆیت هەرچى بێت و هەرجۆربێت، ڕادەى شەفافیەت زیاتر دەکات، بۆیە گرنگە حکومەتى هەرێم سێ مانگ جارێک ڕاپۆرتەکانى بڵاوبکاتەوە.
ڕاپۆرتی دیلۆیت (هەواڵی پەیوەندیدار)
https://www.kurdplat.net/2020/05/blog-post_86.html?m=1
ليست هناك تعليقات
إرسال تعليق