سەرۆککۆماری تورکیا، بە تەلەفۆن لەگەڵ ئەحمەد شەرع سەرۆکی قۆناخی راگوزەری سووریا قسەی کرد و پەیوەندییە دووقۆڵییەکان و دوایین پێشهاتەکانی سووریا تاوتوێ کران.
بورهانەدین دوران، سەرۆکی فەرمانگەی پەیوەندییەکانی سەرۆکایەتیی کۆماری تورکیا، لە هەژماری فەرمیی خۆی لە تۆڕی کۆمەڵایەتیی ئێکس رایگەیاند: "لە پەیوەندییە تەلەفۆنییەکەی نێوان بەڕێزان ئەردۆغان و شەرع، پەیوەندییە دووقۆڵییەکانی نێوان تورکیا و سووریا و دوایین پێشهاتەکانی سووریا تاوتوێ کران."
هەروەها نووسیویەتی: "سەرۆککۆمارمان، جەختی لەوە کردەوە تورکیا گرنگی بە یەکپارچەیی خاک، یەکێتی، تەبایی، سەقامگیری و ئاسایشی سووریا دەدات." هەروەها رایگەیاند، پاککردنەوەی تەواوەتیی خاکی سووریا لە تیرۆر، هەم بۆ سووریا و هەم بۆ تەواوی ناوچەکە پێویستە."
لە کۆتایی پەیامەکەدا هاتووە: "سەرۆککۆمارمان، ئاماژەی بەوەشکرد، پشتیوانییەکانی تورکیا بۆ سووریا لە زۆر بواردا، بەتایبەتی لە بواری بەرەنگاربوونەوەی تیرۆردا، بە شێوەیەکی بەردەوام زیاد دەکات."
ليست هناك تعليقات
إرسال تعليق