وەزیری وزەی قەتەر رایگەیاند، هۆشدارییان بە وڵاتانی کەنداو داوە، کە هەناردەی گازی سروشتییان بۆ ئەورووپا رابگرن، ئەمە بەهۆی پلانی یەکێتییەکە بۆ پەسندکردنی پرۆژەیاسایەک تایبەت بە ناچارکردنی کۆمپانیاکان بە پاراستنی ژینگە و مافەکانی مرۆڤ.
سەعد کەعبی، وەزیری وزەی قەتەر رایگەیاند، "ئەگەر ئەورووپا واز لە پڕۆژەکەی نەهێنێت، بێگومان گازی سرووشتی بۆ ئەورووپا نانێرین".
پڕۆژەکە ناوی "رێنمایی و وردبینی پێویست بۆ بەردەوامیی کۆمپانیاکان"ە و تایبەتە بە ناچارکردنی کۆمپانیاکان بۆ پارەدان بەرامبەر بە "کاریگەرییە نەرێنییەکانی (بەرهەمەکانیان لەسەر) مافەکانی مرۆڤ و ژینگە".
پڕۆژەکە لەلایەن پارتە چەپەکانی پەرلەمانی ئەورووپاوە پێشکەشکراوە، سەوزەکان و میانڕۆکان پاڵپشتی دەکەن. ئەو پڕۆژەیە لە 2022ەوە لەلایەن چەپەکانەوە پێشکێشی کۆمیسیۆنی یەکێتیی ئەورووپا کراوە و نیسانی 2024یش پەسندکرا، بەڵام تاوەکو ئێستا جێبەجێنەکراوە.
قەتەر بە هاوبەشی لەگەڵ ئەمریکا، ئوستراڵیا و رووسیا یەکێکە لە گەورەترین بەرهەمهێنەرانی گازی سروشتی لە جیهاندا. لە چەند مانگی رابردوودا قەتەر چەند گرێبەستێکی بۆ هەناردەکردنی ئەو گازە بۆ فەرەنسا، ئیتاڵیا، هیندستان و چین واژۆ کرد.
ليست هناك تعليقات
إرسال تعليق