لە گوندی زەڵم، لە جێگەی مزگەوتە کۆنەکەی گوندەکە کە بەر جادەکەی ناو گوند کەوتبوو، مزگەوتی کەلەپووری زەڵمیی دروست دەکرێت
رۆژی دووشەممە، حەمەی حەمەسەعید وەزیری رۆشنبیری و لاوانی حکومەتی هەرێمی کوردستان پرۆژەی مزگەوتە کەلوپوورییەکەی زەڵمیی بەسەرکردەوە و سوپاسی خەڵکی گوند و لایەنە پەیوەندیدارەکانی کرد بۆ ئەنجامدانی ئەم پرۆژەیە.
رۆشنبیرانی گوندی زەڵم، پرۆژەکەیان پێشکەشی لایەنە پەیوەندیدارەکان کردووە و لە ئیستادا دروستکردنی مزگەوتە کەلەپوورییەکە چووەتە بواری جێبەجێکردنەوە.
لەسەر بڕیاری بەڕێوەبەرایەتی ئەوقافی پارێزگای هەڵەبجە و بە هاوکاری بەڕێوەبەرایەتی گەشتوگوزار و پارێزگار و قایمقامییەت و لایەنە پەیوەندیدارەکان، لە جێگەی مزگەوت کۆنەکەی گوندی زەڵم کە بەر جادە کەوتووە و بەشێکی ڕووخاوە (مزگەوتی کەلەپووری زەڵمیی) دروست دەکرێت.
بە پێی بەیاننامەی رۆشنبیرانی گوندی زەڵم، مزگەوتی کەلەپووری زەڵمیی، دەبێتە ناوەندێکی گرنگی کەلەپووری و کلتوری و رۆشنگەری لە ناوچەکەدا و دەستنوس و کەلوپەلی قەدیمی و مێژووی گوندەکە و ناو و کەسایەتی و کتيب و بەرهەمە زانستیی و رۆشنبیرییەکانی رۆشنبیرانی گوندەکەی تێدا کۆدەکرێتەوە.
گوندی زەڵم، سەر بە ناحیەی خورماڵە و دەکەوێتە بناری چیاکانی هەورامان لە پارێزگای هەڵەبجە، گوندەکە لە ئێستادا ٢٠ ماڵی تێدا نیشتەجێیە و دوو مزگەوتی تێدایە، مزگەوتی نوێ کە ساڵی ٢٠١٧ بە شێوازێکی کلتوری ناوازەی هەورامان دروستکراوە و مزگەوتی کۆن کە ساڵی ١٩٩١ کراوەتەوە دەکرێتە مزگەوتی کەلەپووری زەڵمیی.
ليست هناك تعليقات
إرسال تعليق