ئێران یۆرانیۆمی پیتێنراوی بۆ چوار هێندە بەرز كردووەتەوە

ليست هناك تعليقات

راپۆرتی سێ مانگەی ئاژانسی نێودەوڵەتی وزەی ناوكی دەری دەخات، ئێران لە چەند ساڵی رابردوودا كۆگای یۆرانیۆمی پیتێنراوی خۆی بۆ چوار هێندە بەرز كردووەتەوە.

چاودێرانی نێودەوڵەتی و پسپۆڕانی ئاژانسەكە لەو هەنگاوانە نیگەرانن و پێیان وایە، دەبێت پێش بە چالاكییە ناوكییەكانی ئێران بگیرێت بۆ ئەوەی لە داهاتوودا نەبێتە هەڕەشە بۆ سەر دنیا.

ئێران وەڵامی نیگەرانییەكانی ئاژانسەكەی داوەتەوە و گوتوویەتی، ئەوەی لە ئێران روو دەدات، لە چوارچێوەی ئەو مافانەیە كە ئەو وڵاتە لە بەرهەمهێنانی وزە و تەكنەكۆجیای ناوكی هەیەتی.

بەگوێرەی سپوتنیك، ئێران لەسەر ئەم كارەی لە دوو دەیەی رابردوودا، بەردەوام سزای لەسەر بووە و لە ساڵی 2015 كاتێك سزاكان لەسەری لادران كە رێككەوتنی ناوكیی لەگەڵ وڵاتانی پێنج كۆ یەكی واژوو كرد، بەڵام لە ساڵی 2018 دۆناڵد ترەمپ سەرۆكی ئەمەریكا لە رێككەوتنەكە هاتە دەرەوە و گوتی، ئێران فێڵ لە كۆمەڵگەی نێودەوڵەتی دەكات و لە چالاكییە ناوكییەكانی بەردەوامە.


لە سەرەتای ئەمساڵەوە كە بایدن بە دەسەڵات گەیشتووە، ئەمەریكا هەوڵی داوە رێككەوتنەكە زیندوو بكاتەوە، بەڵام دانوستانەكان بە هیچ ئەنجامێك نەگەیشتوون.

ليست هناك تعليقات

إرسال تعليق