وەزارەتی ئەوقاف و کاروباری ئایینیی هەرێمی کوردستان بڕیاریدا شەوی قەدر لە کاژێر 12:00ـی شەو تاوەکو نوێژی بەیانی مزگەوتەکان کراوە بن، دەشڵێت، مەرجە هەموو کەسێک لەنێو مزگەوت ماسک ببەستێت.
لە راگەیێندراوێکدا وەزارەتی ئەوقاف و کاروباری ئایینی هەرێمی کوردستان باسی لەوە کردووە، لەپێناو پاراستنی گیانی نوێژخوێنان ئەم بڕیارانەیان بۆ شەوی قەدر داوە:
- شەوی قەدری پیرۆز لە کاژێر 12:00ـی شەو تاوەکو ئەنجامدانی نوێژی بەیانی مزگەوتەکان کراوە دەبن
- مەرجە ھەموو کەسێک لەنێو مزگەوت ماسک ببەستێت
- دەستنوێژ لە ماڵەوە هەڵدەگیرێت، نوێژخوێنان بەرماڵی تایبەت لەگەڵ خۆیان دەھێنن و دووری نێوانيان رەچاو بکرێ لە مەتر و نيوێك تاوەکو دوو مەتر
- خواردن و خواردنەوە پێشکەش ناکرێت و دەبێت پاکوخاوێنیی مزگەوت بەگشتی بپارێزرێت.
- لەکاتی بوونى سەرپێچی، دەسەڵات دەدرێتە ئەوقافەکان بۆ جێبەجێكردنی رێكارەكانی كارگێڕی و ياسايی بەرامبەر سەرپێچيكاران
بەڕێوەبەرایەتیی گشتیی ئەوقافی پارێزگاکان و ئەوقافی قەزاکان بەدواداچوونی بەردەوام بۆ جێبەجێکردنی رێنوێنییەکان دەکەن
- دەزگاکانی راگەیاندن دوای (رێپێدانی ئەوقافی پارێزگا) دەتوانن رووماڵی شەوی قەدر لە مزگەوتەکان بکەن
ئەمڕۆ هەینی 30-4-2021 هاوکاتە لەگەڵ 18ـەمین رۆژی رەمەزان و شەوانی قەدر لە 10 رۆژی کۆتایی مانگی رەمەزاندایە. لە شەوی 27ـی رەمەزانیش، موسڵمانان بەزۆری لە مزگەوتەکان کۆدەبنەوە.
ليست هناك تعليقات
إرسال تعليق