دوانزه‌ سوودی خواردنی ماست له‌ پارشێوان

ليست هناك تعليقات

گرنگی خواردنی ماست لە مانگی ڕەمەزان، کە بریتین لە:


1- سه‌رچاوه‌یه‌کی باشه‌ بۆ پڕۆتین ، هه‌ستی برسییه‌تی که‌مده‌کاته‌وه‌ له‌ کاتی به‌ڕۆژبوون دا.

2- بڕێکی باش له‌ ڤیتامینه‌کانی تێدایه‌ وه‌ک ڤیتامین ( B ) و ( D ) له‌گه‌ڵ کانزاکانی وه‌ک کالسێوم و پۆتاسێوم و مه‌گنسێوم.

3- ده‌وڵه‌مه‌نده‌ به‌ مادده‌ی پڕۆباتیکه‌کان، که‌ بریتییه‌ لە به‌کتریا سوودبه‌خشه‌کان لە لەشدا که‌ کاری کۆئه‌ندمی هه‌رس ڕێکدەخەن، پاش سکچوون یان وه‌رگرتنی ئه‌نتی بایۆتیکه‌کان ژماره‌ی به‌کتریا سوودبه‌خشه‌کان که‌مده‌کات و له‌ ناو ده‌چن.

4- بۆ خۆپاراستن له‌ نه‌رمبوونه‌وه‌ی ئێسک و کلۆربوونی ددان.

5- که‌مکردنه‌وه‌ی ئه‌گه‌ری تووشبوون به‌ شێرپه‌نجه‌ی قۆڵۆن.

6- ماستی بێ چه‌وری یارمه‌تی دابه‌زینی کۆلیستڕۆڵی خراپ و فشاری خوێن ده‌دات.

7- ماستی بێ چه‌وری ڕێگری ده‌کات له‌ زیادبوونی کێش و قه‌ڵه‌وی ورگ و یارمه‌تی دابه‌زینی کێش ده‌دات.

8- به‌هێزکردنی کۆئه‌ندامی به‌رگری له‌ش له‌گه‌ڵ ئاسانکردنی هه‌ڵمژینی هه‌ندێک ڤیتامین و کانزاکان له‌ ڕیخۆڵه‌دا.

9- ماستی بێ چه‌وری خۆراکێکی باشه‌ بۆ ئه‌و که‌سانه‌ی هەستیارییان به‌ شیر هه‌یه‌ یان ئه‌و که‌سانه‌ی هەوکردنی کۆڵۆنیان هه‌یه‌.

10- یه‌کێکه‌ له‌ باشترین خواردنه‌کان بۆ ژنانی دووگیان کە به‌ڕۆژوون به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.

11- یارمه‌تی ڕێککردنه‌وه‌ی خه‌و ئه‌دات.

12- یارمه‌تی چاکبوونه‌وه‌ی قورحه‌ و هه‌وکردنی گه‌ده‌ و دوانزه‌گرێ ده‌دات به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.

ليست هناك تعليقات

إرسال تعليق