دوای سەردانەکەی مستەفا کازمی، سەرۆکوەزیرانی عێراق بۆ ئیمارات، ئەو وڵاتە بڕیاریداوە بە بەهای سێ ملیار دۆلار وەبەرهێنان لە عێراقدا بکات.
ئەم هەواڵە کاتێک ڕاگەیەندرا کە کۆبوونەوەی مستەفا کازمی و بەرپرسانی ئیمارات کۆتایهات و دواتر ئاشکراکرا، ” ئامانج لەم دەستپێشخەرییەی ئیمارات بەھێزكردنی پەیوەندی وەبەرھێنانە بۆ ھاریكاری و ھاوبەشی و بەرەوپێشبردنی گەشەی ئابووری و كۆمەڵایەتی لە عێراق”
ئاژانسی هەواڵی ئیمارات ڕایگەیاندووە، “ئەم دەرفەتەی لە دوای سەردانەکەی مستەفا کازمییەوە دروست بووە، دەرفەتێکە بۆ لێکنزیک بوونەوەی گەلی عێراق و ئیمارات و ئەوەش کاریگەری لەسەر گەشەی ئابوری خودی عێراق دەبێت”.
دوێنێ 4ی نیسان، مستەفا کازمی، سەرۆکوەزیرانی عێراق گەیشتە وڵاتی ئیمارات و لەگەڵ بەرپرسانی ئەو وڵاتە کۆبوویەوە، دواتر موقتەدا سەدر، ڕابەری ڕەوتی سەدر پشتگیری ئەو هەوڵەی کازمی کرد و ڕایگەیاند، “کرانەوە بەڕوی وڵاتانی عەرەبی کەنداودا ڕێگە دروستەکەیە”.
ليست هناك تعليقات
إرسال تعليق