پەرلەمان ياسای هاوردەکردن و فرۆشتنی بەرهەمە نەوتييەکانی پەسەند کرد

ليست هناك تعليقات

بە دەنگی 97 ئەندامی پەرلەمانی کوردستان یاسای هاوردەکردن و عەمبارکردن و فرۆشتنی بەرهەمە نەوتییەکان لە هەرێمی کوردستان پەسندکرا، سەرۆکی پەرلەمانيش داوای لە حکومەت کرد بە زوترين کات رێنماييە پێويستەکان دەربکات.

ئەمڕۆ سێشەممە، لە کۆبوونەوەی پەرلەمانی کوردستان، ئەندامانی پەرلەمان دەنگياندا لەسەر ماددەکانی ياسای هاوردەکردن و عەمبارکرد و فرۆشتنی بەرهەمە نەوتييەکان و بە دەنگی 97 ئەندام پەسەند کرا.

هاوکات، رێواز فایەق سەرۆکی پەرلەمان دوای پەسندکردنی پێشنیازەیاساکە رايگەياند: “بەبۆنەی پەسندکردنی یاسای هاوردەکردن و عەمبارکردن و فرۆشتنی بەرهەمە نەوتییەکان لە هەرێمی کوردستان پیرۆزبایی لە خۆمان و گەلی کوردستان دەکەین”.

سەرۆکی پەرلەمانی کوردستان داوای لە حکومەت کرد “بە زووترین کات رێنماييە پێویستەکان دەربکات، بۆ ئەوەی بەرهەمە نەوتییەکان بە کوالێتییەکی باش بگاتە دەست هاووڵاتیانی هەرێمی کوردستان”.

ليست هناك تعليقات

إرسال تعليق