دواجار خولێکی نوێ لە کیشوەری ئەوروپا بە ناوی سوپەرلیگ واتا سوپەری ئەوروپی ڕاگەیاندرا کە زۆرێک لە یانە گەورە و مێژووییەکان لە خۆی دەگرێت.
لە بەیاننامەیەکی فەڕمیدا 12 یانەی کیشوەری ئەوروپا خولێکی نوێیان بە ناوی سوپەرلیگ لە جیاتی پاڵەوانێتی چامپیۆنسلیگ ڕاگەیاند، یانە بەشداربووەکانی خولەکە بریتین لە؛ ئەیسی میلان و ئینتەرمیلان و یۆڤانتۆس لە ئیتاڵیا و ئەتلەتیکۆ مەدرید و ڕیاڵ مەدرید و بەرشەلۆنە لە ئیسپانیا و مانچستەر یونایتد و ئەرسیناڵ و لیڤەرپووڵ و مانچستەر سیتی و تۆتینهام و چێڵسی لە ئینگلتەرا.
سەرچاوەکانی هەوڵ باس لەوەش دەکەن ئەگەری هەیە یانەکانی بایرن میونخی ئەڵمانی و پۆرتۆی پورتوگالی بەشداری ئەو پاڵەوانێتییە بکەن.
سەرۆکی خولەکەش فلۆرێنتینۆ پیرێزی سەرۆکی یانەی ڕیاڵ مەدرید دەبێت و جێگرەکەشی بۆ کاروباری دارایی ئاندریا ئانێللی سەرۆکی یانەی یۆڤانتۆسە، جێگرەکەی دیکەشی جویل گلایزەرە لە کارگێڕی مانچستەر یونایتد.
ڕێکخەرانی سوپەرلیگ ڕاشیدەگەیەنن، لە مانگی هەشتی ئەمساڵدا خولەکە دەست پێدەکات و یانەکان بەسەر دوو کۆمەڵەدا دابەش دەکرێن، هەر کۆمەڵەی 10 یانە لە خۆ دەگرێت و یارییەکانی بە سیستمی یاری چوون و گەڕانەوە دەبێت، لە هەر کۆمەڵەیەک سێ یانەکەی پێشەوە دەگەنە چارەکی کۆتایی، یانەکانی پلەی چوارەم و پێنجەمی هەردوو کۆمەڵەکەش بەرانبەر یەکدی یاری دەکەن و دوانیان دەگەنە چارەکی کۆتای و دەبنە هەشت یانە.
دوای بە دوای بەیاننامەکەی سوپەرلیگ، ڕاستەوخۆ هەردوو یەکێتی تۆپی پێی جیهانی ناسراو بە فیفا و یەکێتی تۆپی پێی ئەوروپی ناسراو بە یوفا دژی ئەم خولە تازەیە بەیاننامەیان دەرکرد و بە دەرچوون لە یاساکان لە قەڵەمیان دا.
ليست هناك تعليقات
إرسال تعليق