د سالڤەگەرا سالڤەگەراندا؟

ليست هناك تعليقات


خەتاب عمر - پارێزەر

پشتی کۆ ژیان خلاس دبیت مرن دهێت، ئەڤە ئەو یاسایا ژیان و داوی ژیانێ دبنە ئێخسیرێن وێ و بڤێن نەڤێن وەسا دەرباز دکەن، ئەڤە چ دبێژیتە مروڤان ؟ دەما کۆ تشتەک ب دوماهیک هات دڤیا یا ل پەی دهێت جودا بیت جوداهییەک هیچ رهوریشالێت پێشتر نەمینن چ وەک هزر چ وەک هەبون چ وەک رێڤەبرن ....هتد، د سالڤەگەرا چ تشتی دا هوون هزر و هەبون و رێڤەبرنەکا جودا دبینن؟ هوون د چ دا ئالیدا ڤەدگەرینن بو چ وەدکەن خوە دخوەدا بچویک بکەن ؟ یا چوی ددەستێ وەدا چو یا مای ژ دەستێ مە نەکەن.

وە دڤێت سالڤەگەرا دەستێ خوە یێ ڤالا بکەن ؟ وە دڤێت ڤەگەرێن وە کەزیا کجەکا 18سالی بیت و هوون خوە برسیێ دیتنا مییەکێ ؟ د چ دا ڤەگەر پیروز دبن جا بلا سال بمینن ئەڤە نیڤ سەدە ڤەگەرێن وە وەکی روندکێن دەیکێن بێ کور سالانە دوبارە دبن ئەو پیرتر دبن و هوون ب هەلپەرینا گەنجتر ؟ هوون دشێن د هەمی سالڤەگەرێن وەدا ب یەک گوتن بێژن ژکیڤە و کی بو چریسکا هەبونا وێ دەستکەفتێ ؟ ژکیڤە دەستکەفت دهێنە ژبیرکرن و ژکیڤە سالڤەگەر بو تشەکێ نەدیار دهێتەکرن ؟ ئەرێ هوون دشێن بێژن کیژان سەروک و کیژان رێڤەبرن و کیژان جل وکیژان گۆل هێما و سەروەری و پیروزیێن ڤی نشتیمانینە ؟ .

د سالڤەگەرا سالڤەگەراندا ئەز دخوازم ل خوە بگەرن هوون گەلەکێ ژ خوە دویرکەتن یان ژی هوون ل خوە وندابونە و نزانن د چ رێدا ل خوە ڤەگەرن، سالڤەگەرا ڤێ دیتنا من وەکی هەر سال هەر هزر د نەبونێ دا دکەم ئەز ژی وەکی وە هێدی دبێژمە حەبسەخانا نەقیب ناما تە بو برێتانیا رێکری بزڤرینە ما ئەم پێتڤی نڤێسینا نامەکا وەکی یا تەنە؟ هێدی دبێژمە قازی محمد تو دبینی ئەو پێێن تە هەست پێدکر ل دەمێ سێدارەدانا تەدا یێ ل سەر سەرێ دوژمنێ تە و تە شانازی دبر نوکە کەس شانازیێ ب سەربلندیا تە ناکەت ؟ بێ دەنگ دبێژمە لەیلا قاسم وەرە سالڤەگەرا مالا تەیە دا ئێدی حەزا ڤەگەرێ تە نەمینیت ؟ چاڤێ خوە دگرم دبێژم مەلا مستەفا ئەڤێن ب پیا یان ب زوری دهێنە سەرگورێن تە بزڤرینە بلا گورێ خوە بکولن و بزانن ئەڤ وەلاتە ب هاتنا وان ئاڤا نابیت، ئەگەر ڤێ سەلڤەگەرێ هاتن خەنجەرا خوە بکە دەستێ واندا و بێژێ هەرن سەرێ خوە ڤەکەن و نشتیمانێ خوە ژ زرنا و دەهولا جودا کەن ؟ بانگی مام جەلال دکەم و ب دەنگەکی دبێژم سالڤەگەرا ژ ناڤچونا چیا دهێتە کرن و کەس ئێک لا نەبویە کەسکاتی دمینیت یان زەراتی خلاس بویە ؟ پێنوسێ خوە هەلدگرم و دبێژمە نەوشێروان مستەفا ئەرێ کی راپەری یە وەرە ڤی بابەتی ب گوتارەکا خوە ب دوماهی بینە میدیا ل پشت تە یا دبێ هەیبەتیێ دا شەپرزەبوی ؟ ئێدی سەلڤەگەر ژی وەکی بونەیان یێ ل سەر ڤی نشتیمانی بوینە حالەک و هەر ئێکێ تاپویا وێ ل خوە مەهر دکەت ، د سالڤەگەرا ڤێ نڤێسینا خوەداژی ئاگرەکێ نەوروزی هەلدکەم و هەمی تێگەهشتنا ل بەر گەرم دکەم و ژ ساریا ڤان سالڤەگەرا تامسارتر دبێژم وەلاتێ من کوردستانە نەک گوردستان، هوون ساخن نە مری، ساخ دڤێت هەبن، و یێ هەی دەستکەفتان دخوەدا بچویک ناکەت و بچویکیا وی ژی مەزن نابیت .




ليست هناك تعليقات

إرسال تعليق