مالیکی هۆشداری بە کورد و سوننە دەدات

ليست هناك تعليقات

نووری مالیکی، سەرۆکی هاوپەیمانێتیی دەوڵەتی یاسا هۆشداریدا لە مەترسیی هێزەکانی ئەمەریکا بۆسەر کورد و سوننە و ڕاشیگەیاند، خواستی مانەوەی ئەمەریکییەکان لە عێراق بە کورد و سوننەوە لکێندراوە ڕاستەقینە نییە.

مالیکی لە چاوپێکەوتنێکی تەلەفزیۆنیدا کە "ناس کورد" بەدواداچوونی بۆ کردووە ڕایگەیاند، "خواستی مانەوەی ئەمەریکییەکان لە عێراق کە بە کورد و سوننەوە لکێندراوە ڕاستەقینە نییە و مانەوەشیان مەترسییە بۆسەر ئەو دوو لایەنە."

وتیشی، "ئێمە پێویستمان بە بوونی هێزە سەربازییەکانی ئەمەریکا نییە و پێویست ناکات لە عێراق بمێننەوە."

لەبارەی بڕیارەکەی پەرلەمانی عێراقیش بۆ دەرکردنی هێزەکانی ئەمەریکا لە عێراق، مالیکی ڕایگەیاند، "ویستی پەرلەمانی عێراق لە دەرکردنی هێزەکانی ئەمەریکا شکێندرا."

سەبارەت بە بۆچوونی ئیدارەی نوێی ئەمەریکاش لەو پرسەدا، سەرۆک وەزیرانی پێشووتری عێراق ئاماژەی بەوەکرد، "پێشبینی دەکەم ئیدارەی جۆ بایدن هێزەکانی وڵاتەکەی لە عێراق بباتە دەرەوە."

ليست هناك تعليقات

إرسال تعليق