کۆمپانیای فەیسبووک لە ئێستادا سەرقاڵی بەرهەمهێنان و پەرەپێدانی کاتژمێرێکی دەستی زیرەکە کە بەکارهێنەرانی دەتوانن لە رێگەیەوە نامەبگۆڕنەوە، هاوکات، چەند تایبەتمەندێتییەکی تایبەت بە دۆخی تەندروستی و توانای جەستەیی تێدایە.
ماڵپەڕی زی ئینفۆرمەیشن تایبەت بە هەواڵی تەکنەلۆجیا لە سەرچاوەیەکی ئاگادارەوە بڵاوی کردەوە، کۆمپانیای فەیسبووک پلانی داناوە لە ساڵی ئایندەدا کاتژمێرە نوێیەکەی بخاتە بازاڕەوە و دەست بە فرۆشتنی بکات، بەمەش ئەو کۆمپانیایە دەچێتە بازاڕی رکابەریکردنی هەردوو کۆماپانیای ئەپڵ و هواوی کە دەستیان بەسەر بازاڕدا گرتووە.
کاتژمێرە نوێیەکەی فەیسبووک دەتوانرێت ببەسترێتەوە بە تۆڕی ئێنتەرنێتەوە و ئەمەش دەرفەت دەدات بە بەکارهێنەرانی بتوانن نامە بگۆڕنەوە و پەیوەندی بە بەشی خزمەتگوزاری و ئامێرەکانی کۆمپانیاکانی تەندروستی و توانای جەستەییەوە بکەن.
فەیسبووک کۆمپانیایەکە لەبنەڕەتدا گرنگی بە تۆڕی کۆمەڵایەتی دەدات، بەڵام لەم چەند ساڵەی دواییدا هاتووەتەناو بازاڕی بەرهەمهێنانی ئامێری تەکنەلۆژییەوە و سەرەتا ئامێری ئۆکیولس "واقیعی گریمانەیی" و ئامێری ڤیدیۆ چاتی بەرهەمهێنا.
ليست هناك تعليقات
إرسال تعليق