کورد پلات - تایبەت
لە مەراسیمێکی تایبەتدا، لە سلێمانی کتێبێکی نوێ بڵاوکرایەوە کە توێژینەوەیەکی زانستییە سەبارەت بە ململانێی ئەم دواییەی نیوان پارتی و پەکەکە.
مەراسیەکە لەلایەن مەودا میدیا و ئینستیوتی نارینەوە ڕیکخرابوو، تێیدا کتێبی (رووماڵی راگەیاندنی کوردی بۆ ململانێی نێوان پارتی و پەکەکە) بڵاوکرایەوە کە توێژینەوەیەکی زانستییە و هەڵسەنگاندنی بۆ ڕۆڵی میدیا لەو ململانێیەدا کردووە.
بەڵێن عزەت میکە رۆژنامەنوس و نوسەری کتێبەکە بە کورد پلاتی راگەیاند "لە توێژینەوەکەدا بە وردی هەڵسەنگاندن بۆ ڕۆڵی میدیا لە پێکدادانەکانی ئەم دواییەی نێوان پارتی و پەکەکە کراوە".
ئاماژەی بەوەشکرد "رووماڵی چەند میدیایەک بۆ پێکدادانەکەی ساڵی رابردووی چەمانکێ بە نموونە وەرگیراوە و بە وردی بەراورد کراون و شیکاری ناوەڕۆک بۆ بابەتە میدیایەکان کراوە".
رونیشیکردەوە لە داهاتوودا و بەپێی دەرفەتەکان لە چەند شار و شارۆچکەیەکی تر مەراسیمی هاوشێوە ساز دەکرێت.
کتێبەکە لەلایەن ئەنستیوتی نارینەوە چاپ و بڵاوکراوەتەوە و لەلایەن وەزارەتی ڕۆشنبیرییەوە ژمارەی سپاردنی 2166ی پێ بەخشراوە.
ليست هناك تعليقات
إرسال تعليق