توێژینەوەیەك پێوەندی كێشی دووگیان توانای وەچەخستنەوەی منداڵ ئاشكرا دەكات

ليست هناك تعليقات

وەچەخستنەوە یەكێكە لە پرۆسە گرنگەكانی ژیانی مرۆڤ، كاتێك هۆكاری بەردەوامبوونی رەگەزی مرۆڤایەتییە و خەونی هاوسەران دوای هاوسەرگیری خستنەوەی وەچەیەكی تەندروستە، توێژینەوەیەكی نوێ ئاماژەی كرد كە منداڵانی دایكێكی دووگیانی كێش زیادە، زیاتر ئەگەری تووشبوونیان بە نەزۆكی لە داهاتوودا هەیە.

ئەو توێژینەوە دانیماركییە 9232 كوڕ و كچی پێگەیشتووی گرتەوە، لەوانە 9.4%یان بەدەست نەزۆكییەوە دەیانناڵاند، وەك گۆڤاری " Acta Obstetricia et Gynecologica Scandinavica " بڵاوی كردەوە.

زانایان بۆیان دەركەوت ئەو تاكانەی پێوەری بارستەی جەستەی دایكیان پێش دووگیانبوون لە 25 زیاتر بووە، هەڵی زیاتری تووشبوونیان بە نەزۆكی هەیە بە بەراورد بەوانەی پێوەرەی بارستەی جەستەی دایكیان لە نێوان 18.5-24.9%بووە.

بەپێی ئامارەكان 12.5%ی هاوسەران بەدەست نەزۆكییەوە دەناڵێنن، كاتێك سێیەكی هۆكارەكەی بەهۆی كێشەیە لە توانای وەچەخستنەوەی نێر و سێیەكیشی بوونی كێشەی منداڵبوونە لە ژن و سێیەكەكی تر بۆ هۆكاری نادیار دەگەڕێتەوە.

د. لین ئارندت، پزیشك و سەرۆكی تیمی توێژینەوەكە دەڵێت، نەزۆكی كێشەیەكی گشتی و جیهانییە و گرنگە هۆكارەكەی بزانرێ و چارەسەر بكرێت، دەزانین ئەو منداڵانەی داكیان كێشی زیادیان هەبووە، مەترسی زیاتریان لەسەر هەردوو ئاستی كورت و درێژخایەن لەسەرە.

ليست هناك تعليقات

إرسال تعليق