لە ئاکامی روودانی تەقینەوەیەک لەنێو سەمونخانەیەک لە قەزای حەمزە سەربە پارێزگای دیوانییە، کەسێک گیانی لەدەستدا و ٢٦ی دیکە برینداربوون.
وەزارەتی تەندروستیی و ژینگەی عێراق بڵاویکردەوە، دوای روودانی تەقینەوەیەک لەنێو سەمونخایەک لە قەزای حەمزە، تیمەکانی تەندروستیی و بەرگریی شارستانی گەیشتنە شوێنی رووداوەکە.
لە راگەیاندراوەکەدا ئاماژە بەوەشدراوە کە تەقینەوەکە بەهۆی غازەوە بووە و بەهۆیەوە کەسێک گیانی لەدەستدا و ٢٦ ی دیکە برینداربوون.
ئەوەش خراوەتەڕوو کە تەقینەوەکە زیانێکی زۆری ماددی بە دوکان و ئۆتۆمبێلەکانی نزیک لە شوێنی رووداوەکە گەیاندووە.
ليست هناك تعليقات
إرسال تعليق