كینۆ گابریل وتەبێژی فەرمی هەسەدە هەواڵی رێككەوتنی هەسەدە لەگەڵ سوریا و روسیا بۆ رادەستكردنی عەین عیسا رەتدەكاتەوە.
گابریل لە لێدوانێكدا بۆ ئاژانسی هاوار رایگەیاند هیچ رێككەوتنێك لە گۆڕێدا نییە بۆ رادەستكردنی شاری عەین عیسا بە سوریا لەنێوان روسیا و هەسەدە.
ناوبراو لە بارەی بۆچوونی روسیا و ئەمریكا لەبەرانبەر هێرشەكانی توركیا بۆ گرتنی عەین عیسا كە ماوەیەكە دەستیپێكردووە و شەڕ بە قورسی بەڕێوەدەچێت، وتی: ئێمە هێرشەكانی توركیا قبوڵ ناكەین، بەڵام دیار بوو كە هەڵویستی دەوڵەتە گەورەكان، بەرژەوەندی نێوان هێزە نێودەوڵەتییەكان و دەوڵەتی توركیایە وەك هێزێكی هەرێمی، ئەمە شتێكی نوێ نییە و لە ساڵەكانی رابردوودا ئەو هەڵوێستەمان بینی، پێویستە ئێمە چاوەڕێی شتێكی نوێ نەبین.
وتەبێژی هەسەدە وتیشی: ئێمە لە چوارچێوەی پاراستنی رەوادا بەرخۆدان دەكەین و وەڵامی هێرشەكان دەدەینەوە. پێویستە هێزەكانی تر كە ئاگربەستیان ئیمزاكردووە لەبەرانبەر پێشێلكاریەكان بێدەنگ نەبن.
هێرشەكانی سوپای توركیا و هاوپەیمانەكانی لە گروپە چەكدارەكانی ئۆپۆزسیۆنی سوریا بۆ سەر گوندەكانی دەوروپشتی عەین عیسا بەردەوامە.
بەپێی زانیارییەكان توركیا هەوڵ دەدات شاری عەین عیسا لە دوای گرێسپی و سەرێكانی و عەفرین بگرێت، ئامانج لەم هەنگاوەش دابڕینی كانتۆنی كۆبانێیە لە كانتۆنەكانی دیكەی رۆژئاوای كوردستان.
ليست هناك تعليقات
إرسال تعليق