نێچیرڤان بارزانی: پێویستمان بە پشتگیریی فەرەنسا و کۆمەڵگەی نێودەوڵەتییە

ليست هناك تعليقات


سەرۆکی هەرێمی کوردستان لەگەڵ باڵیۆزی فەرەنسا لە عێراق و سەرۆکی سەنتەری پشتگیریی قەیرانەکان لە وەزارەتی دەرەوەی فەرەنسا و شاندێکی یاوەریان کۆبووەوە و رایگەیاند، عێراق و هه‌رێمى كوردستان پێويستييان به‌ رۆڵ و پشتگيريى فه‌ره‌نسا و كۆمه‌ڵگه‌ى نێوده‌وڵه‌تى و به‌رده‌واميى ئه‌ركى هاوپه‌يمانيى نێوده‌وڵه‌تييه‌ بۆ به‌ره‌نگاربوونه‌وه‌ى تيرۆر.

رۆژی سێشەممە 2020/11/24 نێچیرڤان بارزانی، سەرۆکی هەرێمی کوردستان لەگەڵ برونۆ ئۆبێر، باڵيۆزى فه‌ره‌نسا له‌ عێراق و ئێريك شۆفاليێ، سه‌رۆكى سه‌نته‌رى پشتگيريى قه‌يرانه‌كان له‌ وه‌زاره‌تى ده‌روه‌ى فه‌ره‌نسا و شاندێكى ياوه‌ريان کۆبووەوە.

نێچیرڤان بارزانی سوپاسی فەرەنسای کرد کە لە رووی سەربازی و مرۆییەوە پشتگیریی بۆ هەرێمی کوردستان دووپات کردووەتەوە و ده‌ستخۆشىی له‌ ده‌ستپێشخه‌رى و پرۆژه‌ى بونياتنانى نه‌خۆشخانه‌يه‌ك له‌ شه‌نگال كرد كه‌ له‌ رێگه‌ى رێكخراوێكى ناحكوميى فه‌ره‌نسييه‌وه‌ جێبه‌جێ ده‌كرێت.

سەرۆکی هەرێمی کوردستان رایگەیاند، "سەرۆکایەتیی هەرێمی کوردستانیش له‌گه‌ڵ فه‌ره‌نسا و هاوبه‌شانى ديكه‌دا به‌شدارى له‌ بونياتنانى نه‌خۆشخانه‌كه‌دا ده‌كات."

لە تەوەرێکی دیکەی دیدارەکەدا باس لە دۆخی ئاوارەکانی عێراق لە کەمپەکانی هەرێمی کوردستان و گەڕانەوەیان کرا.

نێچیرڤان بارزانی جەختی لە خواستی گەڕانەوەی خۆویستانەی ئاوارەکان بۆ شوێنەکانیان و پێویستیی دابینکردنی ئاسایش و ئارامی و خزمەتگوزارییە سەرەتاییەکان کردەوە.

هاوکات لە تەوەرێکی دیکەی کۆبوونەوەکەدا رەوشی سیاسی و ئاسایشیی عێراق و ناوچەکە و دوایین پێشهاتەکان تاوتوێ کران.

ليست هناك تعليقات

إرسال تعليق