دوای راگرتنی بۆ ماوەی زیاتر لە شەش مانگ بەهۆی رێکارەکانی دەسەڵاتی فڕۆکەوانیی شارستانی عێراق بۆ بەرەنگاربونەوەی ڤایرۆسی کۆرۆنا، بڕیارە یەکەم گەشتی ئاسمانیی سلێمانی-تورکیا بکرێت.
تاهیر عەبدوڵڵا، بەڕێوەبەری فڕۆکەخانەی نێودەوڵەتیی سلێمانی راگەیاند، بڕیارە رۆژی 2020/10/26 گەشتی ئاسمانی لەنێوان سلێمانی و تورکیا دەستپێبکاتەوە.
رۆژی 2020/03/17 بەهۆی بڵاوبوونەوەی ڤایرۆسی کۆرۆناوە دەسەڵاتی فڕۆکەوانیی شارستانیی عێراق بڕیاری راگرتنی سەرجەم گەشتە نێوخۆیی و نێودەوڵەتییەکانی پەسندکرد.
هەروەها پێشتریش لە رۆژی 2020/09/24 گەشتە ئاسمانییەکانی نێوان هەولێر و تورکیا دەستیان پێکردەوە.
ليست هناك تعليقات
إرسال تعليق