وەزارەتی دەرەوەی رووسیا، گرێبەستی بەڕێوەبەرایەتیی خۆسەر و کۆمپانیای دەلتا کرێسینیت ئینێرجیی ئەمریکی بە پێشێلکارییەکی سیستەماتیکی یاسای نێودەوڵەتی ناودەبات و رایدەگەیێنێت، ئەمریکا سیاسەتی بەهێزکردنی کورد لەسەر حسابی گرووپە ئیتنی و ئایینییەکانی دیکە پەیڕەودەکات.
وەزارەتی دەرەوەی رووسیا لەبارەی رێککەوتنەکەی بەڕێوەبەرایەتیی خۆسەر و کۆمپانیا ئەمریکییەکە لەسەر نەوت رایگەیاند: رێککەوتنەکە دەریدەخات کە ئەمریکا رێز لە بڕیارەکانی ئەنجوومەنی ئاسایش و نەتەوەیەکگرتووەکان تایبەت بە سەروەری، سەربەخۆیی و یەکپارچەیی سووریا ناگرێت.
وەزارەتی دەرەوەی رووسیا، ئەمریکا تۆمەتباردەکات بە بەشداریکردن لە "دزیکردن و بازرگانیکردنی نایاسایی بە سامانە سرووشتییەکانی سووریا و رایدەگەیێنێت، سیاسەتی ئەمریکا بۆ بەهێزکردنی کورد لەسەر حسابی گرووپە ئیتنی و ئایینییەکانی دیکە لە باکووری رۆژهەڵاتی سووریا، گرژی ناوخۆیی و هەڕەشەی جیدی بۆ سەقامگیری و ئاسایش دروستدەکات.
ليست هناك تعليقات
إرسال تعليق