بافڵ تاڵەبانی، هاوسەرۆکی یەکێتیی نیشتمانیی کوردستان رایدەگەیێنێت، تووشی ڤایرۆسی کۆرۆنا بووە و ئێستا باری تەندروستیی جێگیرە.
لە هەژماری تایبەتیی خۆی لە فەیسبووک، هاوسەرۆکی یەکێتی دەڵێت، وەک ھەر کەسێکی دیکە، خۆی کەرەنتینکردووە و رێنماییە تەندروستییەکان جێبەجێدەکات.
بافڵ تاڵەبانی داواکاریی لە هاونیشتمانیان هەیە و دەڵێت، "داواکارم لە ھەمووان پابەندی رێنماییەکان بن، پێکەوە رێگربین لە بڵاوبوونەوەی ئەم پەتا جیھانییە و بەسەر ئەم دۆخەدا زاڵبین".
دەقی نووسینەکەی بافڵ تاڵەبانی لە هەژماری خۆی لە فەیسبووک:
کۆمەڵانی خەڵکی کوردستان
سەرەتا ھیوای سەلامەتی و تەندروستییەکی باش بۆ ھەموولایەکتان دەخوازم.
دەمەوێت پێتان رابگەیەنم، کە بەندەش توشی ڤایرۆسی کۆرۆنا بووم و لە ئێستادا باری تەندروستیم جێگیرە.
وەک ھەر کەسێکی تر، خۆم کەرەنتینەکردووە و رێنماییە تەندروستییەکان جێبەجێدەکەم.
داواکارم لەھەمووانیش پابەندی رێنماییەکان بن و پێکەوە رێگربین لەبڵاوبوونەوەی ئەم پەتا جیھانییە و بەسەر ئەم دۆخەدا زاڵبین و دەست لەناودەستبین بۆ چارەسەرکردنی کێشەکان و ئاوەدانکردنەوەی زیاتری ھەرێمەکەمان و خزمەتکردنی زیاتری کوردستانیان.
دووبارە سەلامەتی و تەندروستی باش بۆ ھەموولایەک دەخوازم و ھیوادارم پارێزراوبن و دووربن لەھەموو نەخۆشی و پەتایەک.
بافڵ تاڵەبانی
هاوسەرۆکی یەکێتیی نیشتمانیی کوردستان
ليست هناك تعليقات
إرسال تعليق