ئاگادارییەک بۆ قوتابیانی‌ خاوەن پێداویستی‌ تایبەت

ليست هناك تعليقات

بەڕێوەبەرایەتی‌ گشتی‌ چاودێری‌ و گەشەپێدانی‌ کۆمەڵایەتی‌ سلێمانی‌، ئاگاداری‌ قوتابیە سەرکەوتووەکانی‌ هەردوو قۆناغی‌ (١٢)ی‌ ئامادەیی‌‌و (٩)ی‌ بنەڕەتی‌ ئەمساڵی‌ خوێندن(٢٠٢٠)دەکاتەوە، ناوو زانیاریی‌ خۆیانمان بۆ بنێرن تا بەشداربن لە مەڕاسیمێکی‌ شایستەی‌ تایبەت بە خەڵات‌و ڕێزلێنان بۆ قوتابیانی‌ سەرکەوتووی‌ خاوەن پێداویستی‌ تایبەت.

مەرجەکانی‌ بەشداربوو:

١ـ پێویستە قوتابی‌ دەرچووبێت لە پۆلی‌ (١٢)ی‌ ئامادەیی‌ یان (٩)ی‌ بنەڕەتی‌‌و هیچ وانەیەکی‌ نەمابێتەوە.

٢ـ پێویستە بەشداربوو خاوەن پێداویستی‌ تایبەت (کەمئەندام)بێت بە رێژەی‌ ٥٠% و بەرەو سەرەوە.

٣ـ پێویستە بەشداربوو کۆی‌ ڕێژەی‌ نمرەکانی‌ لە (٨٠%) کەمتر نەبێت.

ڕێگاکانی‌ پەیوەندی‌:

قوتابیانی‌ خۆشەویست دەتوانن تا (١ی‌ ٩ی‌ ٢٠٢٠)،ناوی‌ خۆیان، نمرەکانیان، بەڵگەی‌ نمرەکانیان، ژمارە تەلەفوونیان، بنێرن بۆ هۆبەی‌ بەدواداچوون لە دیوانی‌ بەڕێوەبەرایەتی‌ گشتی‌ لەم ڕێگەیانەوە:

١ـ پەیجی‌ بەرێوەبەرایەتی‌ گشتی‌ لە تۆڕی‌ کۆمەڵایەتی‌ فەیس بووک، بەم ناونیشانە: socialsuli@، بە لینکی‌:https://www.facebook.com/socialsuli/?ref=bookmarks

٢ـ یان لە ڕێگەی‌ ژمارە تەلەفوونی‌ (053,3230954) پەیوەندیمان پێوە بکەن، لە سەعات (٩)ی‌ بەیانی‌ بۆ (١)ی‌ پاشینیوەڕۆ، ڕۆژانی‌ یەکشەممە تا چوارشەممە.

ڕاگەیاندنی‌ بەڕێوەبەرایەتی‌ گشتی‌ چاودێری‌ و گەشەپێدانی‌ کۆمەڵایەتی‌ سلێمانی‌

١٩ی‌ ٨ی‌ ٢٠٢٠

ليست هناك تعليقات

إرسال تعليق