سێیەمین دیداری لوتکەی عێراق، ئوردن و میسڕ بەڕێوەدەچێت

ليست هناك تعليقات


دیوانی شاهانەی هاشمی ئوردن رایگەیاند، هەفتەی داهاتو کۆبونەوەی لوتکەی سێقۆڵی لە نێوان سەرۆک وەزیرانی عێراق، سەرۆکی میسڕ و شای ئوردن رۆژی هەینی رابردو 21/082020بەڕێوەدەچێت، بەوەش ئەو دیدارە دەبێتە بەسێیەمین دیداری لوتکەی نێوان هەرسێ وڵات.

دیوانی شاهانەی هاشمی ئوردن لە بەیاننامەیەکدا بڵاویکردەوە، رۆژی هەفتەی داهاتو کۆبونەوەی لوتکەی سێقۆڵی لەنێوان مستەفا کازمی، سەرۆک وەزیرانی عێراق و عەبدولفەتاح سیسی، سەرۆک کۆماری میسڕ و شا عەبدوڵای دوەم، شای ئوردون بەڕێوەدەچێت.

باس لە پتەوکردنی پەیوەندییەکانی نێوان هەرسێ وڵات لەبواری ئابوری، بازرگانی و وەبەرهێنان دەکرێت


راگەیەنراوەکەی شاهانەی ئوردون ئاماژەی بەوەشکرد، ئەو کۆبونەوەیە سێهەمین کۆبونەوەی لوتکەی نێوان ئەو سێ وڵاتە دەبێت، کەبەمەبەستی گفتوگۆکردن سەبارەت بە چۆنیەتی پتەوکردنی پەیوەندییەکانی نێوان هەرسێ وڵات لەبواری ئابوری، بازرگانی و وەبەرهێنان.

دیدارەکە جەخت لەسەر هەماهەنگی زیاتری هەرسێ وڵات لە ئاستی ناوچەیی کردۆتەوە


بەگوێرەی راگەیەنراوەکە، لەدیدارە لوتکەییەکەدا وێڕای باسکردن لە پەرەپێدانی هەماهەنگی ئەو سێ وڵاتە لە بواری ئابوری، بازرگانی و وەبەرهێنان جەخت لەسەر هەماهەنگی زیاتری هەرسێ وڵات لە ئاستی ناوچەیی دەکرێتەوە.

یەکەمین دیدار لە قاهیرە و دوەمین دیدار لە نیویۆرک بەڕێوەچون


شایانی ئاماژەیە،یەکەمین دیداری لوتکەیی نێوان عێراق، میسڕ و ئوردن، لە مانگی (ئازار/3)ی 2019 لە قاهیرە بەستراوە، دوەمین دیداریش لە مانگی (ئەیلول/9)ی ساڵی 2019 لە پەراوێزی کۆبونەوەی گشتی نەتەوە یەکگرتوەکان لە نیویۆرک بەستراوە.

سەرۆک بەرهەم، شاعەبدوڵا و عەبدولفەتاح سیسی رایانگەیاند، پشتیوانی تەواوی کێشەی فەڵەستین و مافەکانی گەلی فەڵەستین دەکەن 


لەکاتی بەڕێوەچونی دوەمین دیداری لوتکەیی عێراق، میسڕ و ئوردن، کە هەریەکە لە سەرۆک بەرهەم، شاعەبدوڵا و عەبدولفەتاح سیسی تیایدا بەشداربون، هەرسێ سەرۆک رایانگەیاندوە، پشتیوانی تەواوی کێشەی فەڵەستین و مافەکانی گەلی فەڵەستین دەکەن وەک کێشەیەی گرنگی عەرەب و جیهان.

هەر لە دوەمبن دیداری لوتکەییەدا جەختکراوەتە، کە گەلی فەڵەستین مافی بنیاتنانی دەوڵەتی سەربەخۆی خۆیان هەیە، کە پایتەختەکەی شاری قودس بێت، کە ئەوەش پشت ئەستورە بە رێککەوتنە عەرەبی و نێودەوڵەتییەکان.

ليست هناك تعليقات

إرسال تعليق