ئێران ھەڕەشەی تۆڵەسەندنەوە لە ئەنجامدەرانی ھێرشەکەی سەر بنکەی ئەتۆمی نەتەنزی ئه‌سفه‌هان دەکات.
به‌گوێره‌ی میدیا ئێرانییه‌كان غولام ره‌زا جه‌لالی، سەرۆکی بەرگری شارستانی ئێران رایگەیاند: ھەرکەسێك لە ھێرشەکەی سەر بنکەی ئەتۆمی نەتەنزەوە تێوەگلابێت، با چاوەرێی تۆڵەی ئێمە بێت.
بنکەی نەتەنز لە پارێزگای ئەسفەھانە و یەکێکە لەو بنکە ئەتۆمیانەی ئێران، کە لەلایەن ئاژانسی نێودەوڵەتی وزەی ئەتۆمییەوە چاودێری دەکرێت.
سەرلەبەیانی رۆژی پێنج شەممە، ئاگرێك لە بنکەکە کەوته‌وە و باس لەوەش دەکرێت، لەرێگەی ھێرشی ئینتەرنێتیەوە بنکەکە تەقێندرابێتەوە.
بەرپرسانی ئەتۆمی ئێرانیش دەلێن: ھۆکار و ئەنجامدەرکەشمان دۆزیوەتەوە و دواتر رایدەگەنین.
ليست هناك تعليقات
إرسال تعليق