ژ
ووری ئۆپەراسیۆنەکانی پارێزگای هەڵەبجە بڕیاریدا بۆ ئەنجامدانی نوێژەکان و وتاری هەینی مزگەوتەکان کراوەبن و دەشڵێت، "دەبێت نوێژخوێنان پابەندی رێنماییە تەندروستیی و خۆپارێزییەکان بن."
ئەمڕۆ دووشەممە، ژووری ئۆپەراسیۆنەکانی هەڵەبجە لەبارەی کردنەوەی مزگەوتەکانەوە چەند بڕیارێکی نوێی دەرکرد و تییدا هاتووە، "مزگەوتەکان تەنیا بۆ کاتی ئەنجامدانی نوێژ و وتاری هەینی کراوە دەبن"، هاوکات، "جگە لە شوێنی نوێژکردن، سەرجەم شوێنەکانی دیکەی ناو مزگەوتەکان بە داخراوی دەمێننەوە."
ئەوەش خراوەتەڕوو، "پێویستە نوێژخوێنان پابەندی رێنماییە تەندروستیی و خۆپارێزییەکان بن کە لەلایەن بەڕێوەبەرایەتی گشتیی تەندروستیی و بەڕێوەبەرایەتی گشتیی ئەوقاف دیاری دەکرێت."
باس لەوەشکراوە، "نوێژی جەژن پێش هاتنی جەژنی قوربان بڕیاری گونجاوی لەبارەوە دەدرێت"، ئەوەش هاتووە، "داوا دەکەین هەر مزگەوتێک توانای جێبەجێکردنی رێنماییە تەندروستییەکانی بەهۆی بچوکی و قەرەباڵغیەوە نییە لەبەر سەلامەتی نوێژخوێنان بەداخراوی بمێنێتەوە."
ليست هناك تعليقات
إرسال تعليق