سەرۆکی دەزگای لوتکە رایده‌گه‌یه‌نێت، سوید دەست بە وەرگرتنی پەنابەرانی دابەشکراو لە ڕێگەی نەتەوە یەکگرتووەکانەوە دەکاتەوە.
ئاری جلال سەرۆکی دەزگای لوتکە له پێگه‌ی فه‌رمی خۆی رایگه‌یاندووه: "سوید دەست بە وەرگرتنی پەنابەرانی دابەشکراو لە ڕێگەی نەتەوە یەکگرتووەکانەوە دەکاتەوە. وەرگرتنی ئەو پەنابەرانە لە مانگی ئاپریلەوە و بەهۆی قەیرانی کۆرۆناوە وەستێنرابوو".
وتووشیه‌تی: "ئێستا دەزگای کۆچ ئامادەکاری دەکات تاوەکوو هەنگاو بەهەنگاو دەست بە وەرگرتنەوەی ئەو پەنابەرانە بکاتەوە".
ئاشكراشی كردووه: "دەزگای کۆچ بەشێوەیەکی سنوردار دەست بە وەرگرتنی پەنابەرانی دابەشکراو لەڕێگای نەتەوە یەکگرتووەکانەوە دەکاتەوە و دەیانگوازێتەوە ناو سوید".
سەرۆکی دەزگای لوتکە ڕاشیگەیاندووه: کە پەنابەرانی دابەشکراو بەو کەسانە ئەوترێن کە لەوڵاتەکانی خۆیان بە هۆکاری جیاواز ئاوارە بوون و لەلایەن ڕێکخراوی یۆئین دەزگای کۆچ پەنابەرێکەیان پەسەندکراوە و بەسەر ووڵاتانی ئارامی جیهاندا دابەش دەکرێن".
به وته‌ی ئارای جه‌لال: سوید ئەم ساڵ بڕیاری داوە پێنج هەزار پەنابەری دابەشکراو وەربگرێت بەڵام تاکو ئیستاو لەبەر قەیرانی کۆرۆنا و داخستنی سنورەکان تەنها هەزار و سێ سەد پەنابەر بۆ ناو سوید گوازراونەتەوە.
ليست هناك تعليقات
إرسال تعليق