زینەدین زیدان، راهێنەری یانەی ریال مەدرید دڵخۆشیی خۆی بەرامبەر بردنەوەی نازناوی لالیگا پێشاندا و گوتی، بەرامبەر مان سیتی دەجەنگین.
زیدان دوای ئەنجامدانی دوایین یاریی ئەم وەرزەی لالیگا و یەکسانبوونیان لەگەڵ لیگانێس بە 2-2 گوتی، پێویستە بەوە دڵخۆشببین کە بەدرێژایی ئەم وەرزە بەدەستمانهێناوە، ئێستا کاتی ئەوەیە ئاسوودەبین و بەباشی بیر لە چامپیۆنزلیگ بکەینەوە.
زیدان لەبارەی یاریی گەڕانەوەیان بەرامبەر مانچێستەر سیتی لە یاریی گەڕانەوەی قۆناخی شازدەی چامپیۆنزلیگ کە یاریی چوونیان بە 1-2 دۆڕاندووە گوتی، تاوەکو دوایین سات لە پێناو یارییەکەدا دەجەنگین.
زیدان دووپاتیکردەوە کە پێویستە یاریزانەکانی لە رووی هزرییەوە زۆر بەباشی بۆ ئەو یارییە ئامادەبن.
لەبارەی دوورخستنەوەی گارێس بەیڵ و خامێس رۆدریگێز زیزۆ گوتی، ئەوە تەنیا بڕیارێکی هونەرییە و زیاتر نا.
لەبارەی ئاستی لوکا یۆڤیچ لەم وەرزەدا لەگەڵ یانەکە، راهێنەری ریال مەدرید گوتی، ئەو بەهرەمەندێکی گەنجە، بەڵام وەرزێکی ئاڵۆزی بەڕێکرد، بەڵام پێویستە متمانەمان پێی هەبێت و با بزانین لە وەرزی داهاتوودا چی دەبێت.
ریال مەدرید لە دوای دەستپێکردنەوەی یارییەکانی لالیگا، 11 یاریی ئەنجامدا، 10 یاریی بردەوە و لە یارییەکدا یەکسانبوو، بەمەش بۆ جاری 34ـەم لە مێژوویدا نازناوی لالیگا بردەوە.
ليست هناك تعليقات
إرسال تعليق