جاکۆب رۆبیرتس، کە هاووڵاتییەکی بەریتانییە بۆ گەشتکردن دەچێتە دوورگەی بالی لە ئەندەنووسیا و لەوێ سەگێک راوی دەنێت، لە کاتی راکردن لە دەستی سەگەکە، دەکەوێتە نێو بیرێک کە 4 مەتر قووڵ بووە.
بەرگریی شارستانیی ئەندەنووسیا دەڵێت: ''جاکۆب رۆبیرتس گەشتیارێکی بەریتانییە و دوای ئەوەی کەوتووەتە ئەو بیرە هیچ ئامێرێکی پەیوەندیکردنی پێ نەبووە و نەیتوانیوە هیچ کەسێک ئاگادار بکاتەوە، دواتر لەلایەن گوندنشینێکەوە بینراوە و توانیمان رزگاری بکەین''.
ئەو هاووڵاتییەی بەریتانیا لە کاتی کەوتنە ناو بیرەکە قاچێکی دەشکێت و ناتوانێت لە بیرەکە بێتە دەرەوە و هیچ خۆراکێکی پێ نابێت جگه لە هەندێ ئاوی خواردنەوە.
جایکۆب رۆبیرتس دەڵێت: ''بەهۆی ئازاری قاچم نەمدەتوانی هیچ جووڵەیەک بکەم، بەڵام بێ هیوا نەبووم لە ژیان و بۆ ماوەی 6 رۆژ هیچ شتێکم نەبوو بیخۆم، تەنیا ئاوم پێ بوو و باوەڕی تەواوم هەبوو کە لەو شوێنە رزگارم دەبێت''.
ليست هناك تعليقات
إرسال تعليق