گەر توشی كۆرۆنا بویت لە ماڵەوە بەم ڕێگایە چارەسەری خۆت بكە

ئەگەر نیشانە سەرەتاییەکانی پەتای کۆرۆنات تێدادەرکەوت، وەک سەر ئێشە، بەرزبونەوەی پلەی گەرمی لەش، ئازاری بەھێزی ناوشان، بێتاقەتی و بێھێزی، بێ ھیچ شڵەژان و ترس و دڵەڕاوکێیەک دەتوانیت خۆت لەماڵەوە چارەسەر وەربگریت،

لەوبارەیەوە دکتۆر بیلال عومەر چەند رێگەیەکی بڵاوکردوەتەوە.

یەکەم: دەستکێش بەکاربێهێنە و خۆت جیابکەرەوە لەئەندامانی خێزانەکەت.

دوەم: رۆژی 3-4 جار غەرغەرە بکە بە ئاوی شلەتێن و خوێ، یان سرکەی سێو.

سێیەم: بەھاڵاوی ئاوی گەرم سیەکانت خاوێن بکەرەوە.

چوارم: ڤیتامین D و ڤیتامین C رۆژانە لەئاودا بخۆرەوە، خۆراکە ریشاڵدارەکان وەک برۆکلی و سپێناخ بۆ ژەمەکان بخۆ.

پێنجەم: زۆر بخەوە، لەشەو رۆژێکدا لەبری 8 کاتژمێر 10 بۆ 15 کاتژمێر بخەوە.

شەشەم: ئەگەر سەرئێشەو ئازاری جومگەکان و ناوشان و قاچت ھەبو، تەنھا حەبی ئازارشکێن بەکاربێهنە وەک پاراسیتۆڵ.

حەوتەم: لەماڵەوە بمێنەرەوە تا ڤایرۆسەکە سوڕی خۆی تەواو دەکات.

هەشتەم: ئەگەر کۆکەی زۆرت ھەبو ئەوا لەژێر رێنمایی دکتۆر شروب بەکاربهێنە.

نۆیەم: پێویست ناکات خۆت توشی ترس و دڵەڕاوکێ بکەیت بڕۆیت بۆ نەخۆشخانە، تەنھا چەند رۆژێکی دیاریکراو ئازارت دەبێت و پاشان بەرەو باشتر ئەڕۆیت.

دەیەم: ئەگەر ھیچ نەخۆشیەکی درێژخایەن وەک نەخۆشی فشاری خوێن، نەخۆشیەکانی دڵ، شەکرە، شێرپەنجە و ئایدز نییە، ئەوا ھیچ خۆت توشی نیگەرانی مەکە و نەخۆشیەکە تێدەپەڕێنیت.

یانزەیەم: ئەگەر رۆژانی 4-5 ھەستت بەئازاری سیەکان وھەناسە توندی و کۆکەی زۆر کرد، ئەوکاتە پێویستە سەردانی نەخۆشخانە بکەیت.

لەوڵاتانی ئەوروپا بەملیۆنەھا کەس بەو رێگەیە نەخۆشیەکەی تێپەڕاندوە بەبێ ئەوەی سەردانی پزیشک و نەخۆشخانە بکات.

چۆن زو پەتاکە تێبپەڕێنیت؟

بۆ ئەوەی زو پەتاکە تێپەڕێنیت، گوێ لە پروپاگەندە و ئامار و ژمارەی توشبوان و تەنانەت قوربانیان مەدە، ئەگەر ھەڵگری ڤایرۆسەکەیت بڕۆ دەستبکە بەچارەسەری خۆت بە خواردن و ڤیتامینات و خەوی پێویست و ئارامبونەوە، لەسەدا پەنجای نەخۆشی کۆرۆنا دەرونیە، ئەو لەسەدا پەنجایەش لەمیدیا وەردەگریت، بۆ ئەوەی لەو لەسەدا پەنجایە پارێزراوبیت، سەیری ھەواڵی کۆرۆنا مەکە.